قىرعىزستان مەن قازاقستان شەكاراسىندا جٷزدەگەن كٶلٸك ٶتە الماي تۇر, دەپ حابارلايدى Ulysmedia.kz.
كٶلٸكتەر قىرعىزستاننىڭ “اق تٸلەك” پەن “كەن-بۋلۋن” شەكارا بەكەتتەرٸندە تۇر. بٸرٸنشٸ بەكەتتە 43 كٶلٸك تۇرسا, ەكٸنشٸ بەكەتتە 60-قا جۋىق كٶلٸك شەكارانىڭ كەلەسٸ بەتٸنە ٶتە الماي تۇر. ولاردىڭ ٸشٸندە قىرعىزستاننىڭ دا, قازاقستاننىڭ دا كٶلٸكتەرٸ بار.
قىرعىزستاننىڭ شەكارا قىزمەتٸ كٶلٸكتەردٸڭ جينالىپ قالۋىنىڭ سەبەبٸن تۋريستٸك ماۋسىمنىڭ باستالۋىمەن جەنە كوروناۆيرۋسقا قارسى شەكتەۋلەردٸڭ الىنىپ تاستالۋىمەن بايلانىستىرىپ وتىر.
كٶلٸكتەردٸ كەدەرگٸسٸز ٶتكٸزۋ ٷشٸن بارلىق شارانى ويلاستىرىپ جاتىرمىز. جٷك كٶلٸكتەرٸنٸڭ جٷرگٸزۋشٸلەرٸنە ەسكەرتۋ-تٷسٸندٸرمە جۇمىستارى جٷرگٸزٸلٸپ جاتىر. ولار بوس بەكەتتەرگە جٶنەلتٸلەدٸ, - دەدٸ قىرعىزستاننىڭ شەكارا قىزمەتٸ.
سونداي-اق كەزەكتٸ جانار-جاعار ماي تاسىمالدايتىن جەڭٸل كٶلٸكتەر دە جاساپ تۇر. ال كوروناۆيرۋستىق شەكتەۋلەر الىنىپ تاستالعان سوڭ, ەكٸ ەلدٸڭ ازاماتتارى كٶلٸكتەرٸمەن دەمالىس ورىندارىنا بارا جاتىر. وسىعان دەيٸن شەكارانى جەكە كٶلٸكپەن كەسٸپ ٶتۋگە شەكتەۋ قويىلعان بولاتىن.
