Foto: Freepik.com
Qyrǵyz-qazaq shekarasyndaǵy «Aq-tilek-Avtodorojnyi» baqylaý-ótkizý beketinde 410 kólik bógelip tur, - dep habarlaidy Tengrinews.kz saity Qyrǵyzstannyń MUQK Shekara qyzmeti Aqparat jáne kommýnikatsiia basqarmasyna silteme jasap.
23 qazan saǵat 12.00-degi jaǵdai boiynsha, shekaralyq baqylaýdan ótý úshin atalǵan baqylaý-ótkizý pýnktinde 410 júk kólikti kezekte tur.
Sońǵy táýlikte «Aq-tilek-Avtodorojnyi» ótkizý pýnkti arqyly Qyrǵyzstannan Qazaqstanǵa Kant tsement zaýytynyń ónimderi bar jeńil avtomobilder men júk kólikterin eseptemegende, 297 júk kóligi shyqty. Biraq pýnktiniń ótkizý qabiletin arttyrý boiynsha qabyldanyp jatqan sharalarǵa qaramastan, júk kólikteri jinalyp qalǵan.
«Júk kólikteriniń keptelisi maýsymdyq sipatqa ie. Bul aýyl sharýashylyǵy ónimderi men halyq tutynatyn taýarlar eksportynyń ulǵaiýymen bailanysty. Qyrǵyzstan men Qazaqstannyń shekara qyzmetteri tarapynan júk kólikteri úshin shekteý joq. Qyrǵyz-qazaq memlekettik shekarasy arqyly ótetin barlyq ótkizý pýnkti shtattyq rejimde jumys isteidi», - delingen habarlamada.
