Qyrǵyzstannyń Ulttyq banki kommertsiialyq bankter, aiyrbastaý biýrolary, mikroqarjy jáne mikrokredittik kompaniialar arqyly qolma-qol dollar valiýtasyn elden shyǵarýǵa ýaqytsha tyiym saldy. Bul týraly Qyrǵyzstan Ulttyq bankiniń baspasóz qyzmetinen málim etti, dep habarlaidy QazAqparat Kabar agenttigine silteme jasap.
«Qyrǵyzstan Respýblikasynyń ekonomikalyq qaýipsizdigin qamtamasyz etý jáne ishki valiýta naryǵyndaǵy jaǵdaidy turaqtandyrý maqsatynda eldiń Ulttyq banki basqarmasy 11 naýryzda «Kommertsiialyq bankterge, aiyrbastaý biýrolaryna, respýblikanyń mikroqarjy jáne mikrokredittik kompaniialaryna qatysty qolma-qol shetel valiýtasymen operatsiia jasaýǵa ýaqytsha shekteýler týraly» qaýly qabyldady», - delingen habarlamada.
Osy qaýlyǵa sáikes, Qyrǵyzstan Ulttyq bankiniń litsenziiasy bar kombankter, aiyrbastaý biýrolary, mikroqarjy jáne mikrokredittik kompaniialarǵa 2022 jylǵy 11 naýryz kúni saǵat 17:30-dan bastap AQSh dollaryn Qyrǵyzstannan tys jerlerge áketýge ýaqytsha tyiym salyndy.
