Bishkektiń «Ala-Archa» memlekettik rezidentsiiasynda ótip jatqan Jogorký Keneshtiń kezekten tys otyrysynda Qanat Isaev Jogorký Kenesh tóraǵasy bolyp sailandy. Bul týraly Kabar.kg aqparat agenttigi habarlady.
Tóraǵany sailaýǵa daýys berý jasyryn ótip, otyrysqa qatysqan 80 depýtattyń 78-i Qanat Isaevtyń kandidatýrasyna qoldaý kórsetti. Tek 2 depýtat Qanat Isaevtyń Jogorký Kenesh tórasy bolýyna qarsylyq tanytty. Jańa sailanǵan tóraǵa bul laýazymǵa jalǵyz úmitker bolǵan edi.
Aita keterligi, búgin Jogorký Keneshtiń kezekten tys otyrysy barysynda depýtattar Qyrǵyzstan Prezidentiniń Bishkek aýmaǵynda tótenshe jaǵdai engizý týraly jarlyǵyna qoldaý bildirgen bolatyn.
Jarlyqqa sáikes, 12 qazan kúni saǵat 20.00-den 19 qazan kúngi saǵat 07.00-ge deiin tótenshe jaǵdai engiziledi. Qalada keshki saǵat 22.00-den tańǵy saǵat 05.00-ge deiin komendattyq saǵat bolady.
