Batken qalasy. 16 qyrkúiek 2022 jyl.
Qyrǵyz-tájik shekarasynda jaǵdai ýshyqty. Qyrǵyzstan ulttyq qaýipsizdik jónindegi memlekettik komiteti (UQMK) Batken jáne Leilek aýdandarynda qyzý shaiqas júrip jatqanyn málimdedi.
Vedomstvonyń habarlaýynsha, Batken qalasy mańyndaǵy nysandardy tájik jaǵy dúrkindetip atatyn zymyran júiesimen atqylaǵan. Batkende azamattyq infraqurylym nysandary qiraǵan.
Buǵan deiin Qyrǵyzstan men Tájikstan bir-birin aýyr qarý qoldandy dep aiyptaǵan.
Qyrǵyzstan jaǵy 31 adamnyń zardap shekkenin habarlady. Evakýatsiialanǵan azamattarǵa psihologiialyq kómek kórsetilip jatyr.
Reuters agenttigi Tájikstan jaǵynan bir beibit turǵyn men birneshe adamnyń jaralanǵanyn habarlady. Qaza bolǵandar men jaralanǵandar sany týraly resmi aqparat joq.
16 qyrkúiekte tańerteń qyrǵyz-tájik shekarasynda jaǵdai qaita ýshyqqan edi. Taraptar jaǵdaiǵa bir-birin kinálady.
Qyrǵyzstan tótenshe jaǵdai ministrligi Batken oblysyndaǵy shekaraǵa jaqyn aýdandardan turǵyndardy evakýatsiialap jatyr. Halyqty ýaqytsha qonystandyratyn birneshe pýnkt ashylǵan.
