باتكەن قالاسى. 16 قىركٷيەك 2022 جىل.
قىرعىز-تەجٸك شەكاراسىندا جاعداي ۋشىقتى. قىرعىزستان ۇلتتىق قاۋٸپسٸزدٸك جٶنٸندەگٸ مەملەكەتتٸك كوميتەتٸ (ۇقمك) باتكەن جەنە لەيلەك اۋداندارىندا قىزۋ شايقاس جٷرٸپ جاتقانىن مەلٸمدەدٸ.
ۆەدومستۆونىڭ حابارلاۋىنشا, باتكەن قالاسى ماڭىنداعى نىسانداردى تەجٸك جاعى دٷركٸندەتٸپ اتاتىن زىمىران جٷيەسٸمەن اتقىلاعان. باتكەندە ازاماتتىق ينفراقۇرىلىم نىساندارى قيراعان.
بۇعان دەيٸن قىرعىزستان مەن تەجٸكستان بٸر-بٸرٸن اۋىر قارۋ قولداندى دەپ ايىپتاعان.
قىرعىزستان جاعى 31 ادامنىڭ زارداپ شەككەنٸن حابارلادى. ەۆاكۋاتسييالانعان ازاماتتارعا پسيحولوگييالىق كٶمەك كٶرسەتٸلٸپ جاتىر.
Reuters اگەنتتٸگٸ تەجٸكستان جاعىنان بٸر بەيبٸت تۇرعىن مەن بٸرنەشە ادامنىڭ جارالانعانىن حابارلادى. قازا بولعاندار مەن جارالانعاندار سانى تۋرالى رەسمي اقپارات جوق.
16 قىركٷيەكتە تاڭەرتەڭ قىرعىز-تەجٸك شەكاراسىندا جاعداي قايتا ۋشىققان ەدٸ. تاراپتار جاعدايعا بٸر-بٸرٸن كٸنەلادى.
قىرعىزستان تٶتەنشە جاعداي مينيسترلٸگٸ باتكەن وبلىسىنداعى شەكاراعا جاقىن اۋدانداردان تۇرعىنداردى ەۆاكۋاتسييالاپ جاتىر. حالىقتى ۋاقىتشا قونىستاندىراتىن بٸرنەشە پۋنكت اشىلعان.
