Qyrǵyzstan densaýlyq saqtaý jáne áleýmettik damý ministrliginiń 30 sáýir tańerteńgi saǵat 7:50-degi aqparaty boiynsha, qyrǵyz-tájik shekarasynda bolǵan atysta 134 adam jaraqattanǵan, 13 adam qaza bolǵan.
Dárigerlerdiń aitýynsha, 25 adam arnaiy bortpen Batkennen Bishkekke jetkizilip, Bishkek travmotolgiia jáne ortopediia ǵylymi-zertteý ortalyǵy, Ulttyq gospital jáne Ulttyq hirýrgiia ortalyǵyna jatqyzylǵan.
"Zardap shekken eki adamnyń jaǵdaiy aýyr, qalǵanynyń jaǵdaiy ortasha aýyr jáne salystyrmaly túrde ortasha" dedi ministrlik ókilderi.
Beisenbi kúni Qyrǵyzstan men Tájikstan shekarasynda jaǵdai ýshyǵyp, atys bolǵan. Eki jaq bir-birin jaǵdaidy ýshyqtyrdy dep aiyptady. Eki memleket biligi atysty toqtatý týraly kelisimge kelgenin málimdese de, kýágerler 30 sáýirge qaraǵan túni oqiǵa ornynda oq atylǵanyn, qyrǵyz aýyldarynan órt shyqqanyn, áskeri tehnika tartylǵanyn habarlaǵan.
