قىرعىزستان دەنساۋلىق ساقتاۋ جەنە ەلەۋمەتتٸك دامۋ مينيسترلٸگٸنٸڭ 30 سەۋٸر تاڭەرتەڭگٸ ساعات 7:50-دەگٸ اقپاراتى بويىنشا, قىرعىز-تەجٸك شەكاراسىندا بولعان اتىستا 134 ادام جاراقاتتانعان, 13 ادام قازا بولعان.
دەرٸگەرلەردٸڭ ايتۋىنشا, 25 ادام ارنايى بورتپەن باتكەننەن بٸشكەككە جەتكٸزٸلٸپ, بٸشكەك تراۆموتولگييا جەنە ورتوپەدييا عىلىمي-زەرتتەۋ ورتالىعى, ۇلتتىق گوسپيتال جەنە ۇلتتىق حيرۋرگييا ورتالىعىنا جاتقىزىلعان.
"زارداپ شەككەن ەكٸ ادامنىڭ جاعدايى اۋىر, قالعانىنىڭ جاعدايى ورتاشا اۋىر جەنە سالىستىرمالى تٷردە ورتاشا" دەدٸ مينيسترلٸك ٶكٸلدەرٸ.
بەيسەنبٸ كٷنٸ قىرعىزستان مەن تەجٸكستان شەكاراسىندا جاعداي ۋشىعىپ, اتىس بولعان. ەكٸ جاق بٸر-بٸرٸن جاعدايدى ۋشىقتىردى دەپ ايىپتادى. ەكٸ مەملەكەت بيلٸگٸ اتىستى توقتاتۋ تۋرالى كەلٸسٸمگە كەلگەنٸن مەلٸمدەسە دە, كۋەگەرلەر 30 سەۋٸرگە قاراعان تٷنٸ وقيعا ورنىندا وق اتىلعانىن, قىرعىز اۋىلدارىنان ٶرت شىققانىن, ەسكەري تەحنيكا تارتىلعانىن حابارلاعان.
