Qyrǵyzstanda Prezident sailaýynyń nátijesi anyqtalǵansha premer-ministrdiń ókilettiligi ýaqytsha toqtatyldy, dep habarlady Kabar agenttigi.
«Qyrǵyz Respýblikasy Prezidentin jáne Joǵarǵy Keńes depýtattaryn sailaý týraly» Qyrǵyz Konstitýtsiialyq zańynyń 21-babyna sáikes prezident sailaý nátijesi belgili bolǵansha QR premer-ministriniń ókilettilik qyzmeti toqtatyldy. Mundai jarlyqqa premer-ministr Sadyr Japarov qol qoidy.
«Qyrǵyz Úkimeti týraly» QR Konstitýtsiialyq zańynyń 19-babyna sai Qyrǵyz premer-ministriniń mindetin atqarý Birinshi vitse-premer-ministrge júkteldi.
Birinshi vitse-premer-ministr qyzmetin Artem Novikov atqarady.
Eske salsaq, Sadyr Japarovtyń kandidatýrasynyń Qyrǵyzstan prezidenti laýazymyna usynylýyna jáne prezident mindetterin atqarý ókilettiliginiń toqtatylýyna bailanysty, Konstitýtsiiaǵa sáikes el prezidenti mindetin atqarýshynyń ókilettikteri Jogorký Kenesh tóraǵasy Talant Mamytovqa ótti.
