Foto: UMQK
Qyrǵyzstan keden qyzmeti basshysynyń burynǵy orynbasary Raiymbek Matraimov Bakýden Bishkekke ekstraditsiialandy, - dep habarlaidy «Ult aqparat» Kaktus.media basylymyna silteme jasap.
Matraimovty úkimet ushaǵymen alyp ketkeni aityldy. Onymen birge "Oshgaz" kásiporny direktorynyń burynǵy orynbasary Tilek Matraimovty da keldi.
Áleýmettik jelide Matraimovty Bishkekke jetkizgen fotosýretter tarap ketti. Bir sýrette oligarhtyń qolyna ushaq bortynda kisen salynǵany kórinedi. Ekinshi sýret Bishkek áýejaiynda túsirilgen - qyzmetkerler er adamdy ushaqtan alyp shyqqan.
Matraimovty ekstraditsiialaýdan keiin memlekettik arna qyzmetkerleri odan pikir bildirýin surady. Videoda arnaiy jasaq sarbazdarynyń suraqtarǵa jaýap berýi úshin onyń qolynan, basynan ustap turǵanyn kórýge bolady.
23 naýryzda Qyrǵyzstannyń Ulttyq qaýipsizdik memlekettik komiteti Bishkekte Qyrǵyzstan basshylyǵyna qastandyq jasamaq bolǵan transulttyq uiymdasqan qylmystyq toptyń bes múshesi ustalǵanyn habarlady. Komitet olardy Ázerbaijannan kelgenin aitty. Ulttyq qaýipsizdik memlekettik komiteti Matraimovtyń ustalǵandarmen bailanysyn anyqtady.
Biraz ýaqyttan keiin komitettiń baspasóz qyzmeti ókilderi qosymsha málimdeme jasap, onda izdeýde júrgen qyrǵyz oligarhy Raiymbek Matraimov Ázerbaijan astanasy Bakýde júrgenin habarlady. Al qazir ony ustaý jáne odan ári Qyrǵyzstanǵa ekstraditsiialaý máselesi Ázerbaijannyń quqyq qorǵaý organdarymen talqylanyp jatqanyn jetkizdi.
2024 jylǵy qańtardyń aiaǵynda Raiymbek Matraimovqa Ulttyq qaýipsizdik komiteti izdeý jariialap, onyń milliardtaǵan somdyq jyljymaityn múlkin memleket menshigine ótkizgen.
