YouTube videohostinginde Qyrǵyzstan prezidentiniń 19 jastaǵy qyzy Áliia Shagieva men Konstantin Riazanovtyń toiynan video úzindi paida boldy.
Rolik avtory - ózin "únsiz kýáger" ataǵan Vladimir Tsai. Videoǵa neke qiiý rásimi túsirilgen.
Eske salaiyq, qyrǵyz prezidentiniń kenje qyzy 2016 jyldyń 27 tamyzynda turmys qurdy. Toi Bishkektegi Skyhall meiramhanasynyń ashyq tóbesinde ótti. Toiǵa bar-joǵy 30 adam jinalǵanyn aita ketý kerek.
Konstantin Riazanov 1992 jyly Bishkekte týǵan, baǵdarlamalaý salasynda qyzmet atqarady jáne kópshilik aldynda saltanatpen júrýdi unatpaidy eken. Ol Áliiamen tórt jyl buryn Ǵalamtor arqyly tanysqan. Sol ýaqytta ózi 20 jasta, al Áliia nebári 15 jasta bolǵan.
Kabarlar.org málimeti boiynsha, Áliia men Konstantinniń toiy Qyrǵyzstan jurtshylyǵyna ekiudaiy áser etti. Biri Áliiany quttyqtap pikir qaldyrsa, endi bireýler jary qyrǵyz ultynan bolmaǵany úshin synaǵan.
