Memleket basshysy Qasym-Jomart Toqaev Jambyl oblysy Baizaq aýdanyndaǵy áskeri qoimadaǵy jarylysqa qatysty qylmystyq is qozǵalǵanyn aitty, - dep habarlaidy "Ult aqparat".
"Órt saldaryn joiý boiynsha jedel-shtab jumys istep jatyr. Qylmystyq is qozǵaldy. TJM, IIM, Tótenshe jaǵdailar ministrlik bólimsheleri jumyldyryldy. Temir jol bailanysy ýaqytsha toqtatyldy", - dep jazdy Prezident Twitter-de.
Eske sala keteiik, Jambyl oblysy Baizaq aýdanynda ornalasqan áskeri bólimde saǵat 19.00 shamasynda qoimalardyń biriniń janynda órt shyqqan. Órt saldarynan anyqtalmaǵan zattar jarylǵan. Keiin jaqyn mańdaǵy turǵyndardyń evakýatsiialanǵany anyqtaldy.
