Ishki ister ministriniń buiryǵymen IIM Qylmystyq-atqarý júiesi komitetiniń tóraǵasy laýazymyna ádilet polkovnigi Darhan Tursynuly Qanatbekov taǵaiyndaldy, dep habarlaidy "Ult aqparat" vedomstvonyń baspasóz qyzmetine silteme jasap.
QAJK jańa tóraǵasyn jeke quramǵa ministr Erlan Turǵymbaev tanystyrdy.
D. Qanatbekov qylmystyq atqarý júiesi organdarynda 2001 jyldyń qazan aiynan beri qyzmet atqaryp keledi. Jumys tájiribesi, onyń ishinde basshylyq qyzmettegi is-tájiribesi mol.
Ol qylmystyq-atqarý júiesi mekemelerinde bólim bastyǵy, bastyqtyń orynbasary, Qaraǵandy oblysy boiynsha qylmystyq-atqarý júiesi departamenti bastyǵynyń orynbasary, departament bastyǵy bolyp qyzmet etti. Qazaqstan Respýblikasy IIM Qylmystyq-atqarý júiesi komiteti tóraǵasynyń orynbasary bolǵan.
Kezdesý barysynda Erlan Turǵymbaev Komitet qyzmetkerlerine ishki ister organdaryn jáne qylmystyq-atqarý júiesin jańǵyrtý boiynsha negizgi is-sharalar týraly aityp, el Prezidentiniń IIM-niń aldyna qoiǵan jańa tapsyrmalaryna toqtaldy.
