Ózbek kásipkeri, Ózbekstanda qylmys álemi jetekshileriniń biri bolyp sanalatyn Gafýr Rahimov AIBA – Halyqaralyq boks qaýymdastyǵynyń atqarýshy prezidenti bolyp taǵaiyndaldy, - dep jazady centralasian.org.
Bul sheshim ótken senbi kúni Franko Falchinelli qyzmetinen ketetinin málimdegennen keiin belgili boldy. AIBA-nyń jańa prezidentin sailaý biyl qarasha aiynda Máskeýde ótedi.
27 qańtarda Halyqaralyq boks qaýymdastyǵynyń kongresinde AQSh qarjy ministriniń «qara tizimine» ilingen Gafýr Rahimov AIBA-nyń atqarýshy prezidenti bolyp taǵaiyndaldy.
67 jastaǵy Gafýr Rahimov tanymal ózbek kásipkeri. Ol sonymen birge Aziialyq boks federatsiiasynyń vitse-prezidenti. Ol 1998 jyldan beri AIBA atqarýshy komitetiniń múshesi. 2002 jyldan 2012 jylǵa deiin bul uiymnyń vitse-prezidenti bolyp keldi.
2012 jyly AQSh qarjy ministri Gafýr Rahimovqa «Ortalyq Aziiada esirtki ónimimen ainalysady» degen aiyppen qarjylyq sanktsiia salǵan. Ol Ózbekstannan 2010 jyly ketken. Sodan beri Dýbaida turady.
