ٶزبەك كەسٸپكەرٸ, ٶزبەكستاندا قىلمىس ەلەمٸ جەتەكشٸلەرٸنٸڭ بٸرٸ بولىپ سانالاتىن گافۋر راحيموۆ AIBA – حالىقارالىق بوكس قاۋىمداستىعىنىڭ اتقارۋشى پرەزيدەنتٸ بولىپ تاعايىندالدى, - دەپ جازادى centralasian.org.
بۇل شەشٸم ٶتكەن سەنبٸ كٷنٸ فرانكو فالچينەللي قىزمەتٸنەن كەتەتٸنٸن مەلٸمدەگەننەن كەيٸن بەلگٸلٸ بولدى. AIBA-نىڭ جاڭا پرەزيدەنتٸن سايلاۋ بيىل قاراشا ايىندا مەسكەۋدە ٶتەدٸ.
27 قاڭتاردا حالىقارالىق بوكس قاۋىمداستىعىنىڭ كونگرەسٸندە اقش قارجى مينيسترٸنٸڭ «قارا تٸزٸمٸنە» ٸلٸنگەن گافۋر راحيموۆ AIBA-نىڭ اتقارۋشى پرەزيدەنتٸ بولىپ تاعايىندالدى.
67 جاستاعى گافۋر راحيموۆ تانىمال ٶزبەك كەسٸپكەرٸ. ول سونىمەن بٸرگە ازييالىق بوكس فەدەراتسيياسىنىڭ ۆيتسە-پرەزيدەنتٸ. ول 1998 جىلدان بەرٸ AIBA اتقارۋشى كوميتەتٸنٸڭ مٷشەسٸ. 2002 جىلدان 2012 جىلعا دەيٸن بۇل ۇيىمنىڭ ۆيتسە-پرەزيدەنتٸ بولىپ كەلدٸ.
2012 جىلى اقش قارجى مينيسترٸ گافۋر راحيموۆقا «ورتالىق ازييادا ەسٸرتكٸ ٶنٸمٸمەن اينالىسادى» دەگەن ايىپپەن قارجىلىق سانكتسييا سالعان. ول ٶزبەكستاننان 2010 جىلى كەتكەن. سودان بەرٸ دۋبايدا تۇرادى.
