Eki jańa zertteý koronavirýstyń bir túri britandyq shtamm infektsiianyń aýyrlyǵyn arttyrmaidy deidi. Biraq ol SARS-CoV-2 basqa túrlerine qaraǵanda jaqsy taralady. Zertteý sipattamalary jazylǵan maqalalar The Lancet Infectouse Diseases jáne The Lancet Public Health jýrnaldarynda jariialandy, dep habarlaidy TASS agenttigi.
Osy alýan túrliliktiń alǵashqy zertteýlerine sáikes, B.1.1.7 tez taralý múmkindiginen bólek ólim jaǵdailarynyń joǵary bolýymen de erekshelenýi múmkin. Mamandar britandyq shtamdy juqtyrýdyń sebep-saldaryn zertteýdi onyń shynymen ólimge ákeletinin ia bolmasa ákelmeitinin túsiný úshin jalǵastyrýda. Sonymen qatar virýstyń basqa túrlerine qarsy jasalǵan SARS-CoV-2 vaktsinalary bul shtamnan qorǵai ma, joq pa, sony anyqtaidy.
Alǵashqy zertteýdiń avtorlary 2020 jyldyń qarasha aiynyń basy men jeltoqsannyń aiaǵy aralyǵynda eki qalalyq klinikaǵa túsken London turǵyndaryn baqylady. Ol kezde vaktsinatsiia jańadan bastalyp jatqan bolatyn britandyq shtamm týraly da eshteńe belgili bolmaǵan edi. Ǵalymdar patsientterdiń jaǵyndylarynan alynǵan virýstyq bólshekterdiń sany men quramyn, sondai-aq olar juqtyrǵan infektsiianyń belgilerin taldady. Zertteýshilerge barlyǵy 341 londondyqtyń derekteri tústi.
Ekinshi zertteý kóptegen adamdy, atap aitqanda, COVID Symptom Study qosymshasyn 2020 jyldyń qyrkúiek aiynyń sońynan jeltoqsannyń aiaǵyna deiin qoldanǵan 37 myńǵa jýyq adamdy qamtydy. Koronavirýsty juqtyrǵan naýqastarǵa dárigerge infektsiianyń belgileri týraly aitý úshin osy qosymshany ornatýdy usyndy. Ár patsienttiń ózin qalai sezingeni týraly málimetterden basqa, qosymsha ol bolǵan jer týraly da jetkizdi.
Angliia, Shotlandiia nemese Ýelstiń belgili bir aimaǵynda britandyq shtammy bar infektsiia juqtyrǵan patsientterdiń sany kóbeigen kezde, osy aimaqtaǵy COVID-19-dyń aýyr túrlerine shaldyqqandar sany kóbeigen joq, kóbinese táýelsiz zańdylyqqa sáikes ózgerdi. B. 1.1.7 túrin juqtyrǵan patsientteriniń sany men qaita aýrýǵa shaldyǵý deńgeii arasynda aitarlyqtai bailanys bolǵan joq.
Alaida ǵalymdar bir bailanysty baiqaǵan: reprodýktsiia indeksi, iaǵni ǵalymdardyń belgili bir virýstyń taralý jyldamdyǵyn baǵalaityn indikatory - britandyq shtammda «standartty» koronavirýstyń kórsetkishinen 1,35 ese joǵary bolyp shyqty.
Osynyń bárine qaramastan, ǵalymdardyń aitýy boiynsha, qoldanystaǵy emdeýdiń kómegimen V.1.1.7 reprodýktsiia indeksin tómendetýge bolady. Sonymen qatar, sońǵy zertteýlerge sáikes, qazirgi ýaqytta belgili barlyq vaktsina oǵan qarsy áreket etedi.
