Kvazimemlekettik sektor sýbektileriniń eksporttyq valiýtalyq túsiminiń bir bóligi satylatyn boldy, dep habarlaidy "Ult aqparat" Ulttyq banktiń baspasóz qyzmetine silteme jasap.
Qazaqstan Respýblikasy Prezidentiniń tapsyrmasyna sáikes ulttyq valiýtanyń aiyrbastaý baǵamyn turaqtandyrý maqsatynda Úkimet kvazimemlekettik sektor sýbektileriniń eksporttyq valiýtalyq túsiminiń bir bóligin ishki valiýta naryǵynda satý týraly sheshim qabyldady.
«Atalǵan sheshim jarǵylyq kapitalynda memlekettiń úlesi 50%-dan asatyn eksporttaýshy kásiporyndarǵa, onyń ishinde «Samuryq-Qazyna» ulttyq ál-aýqat qory» AQ kompaniiasyna qoldanylady jáne tótenshe jaǵdai kezeńinde qoldanysta bolady. Úkimet jáne Ulttyq bank ishki valiýta naryǵyndaǵy shetel valiýtasyna suranys pen usynysqa monitoring júrgizý maqsatynda úilestirilgen jumysyn jalǵastyrady» delingen habarlamada.
Qabyldanatyn sharalar aiyrbastaý baǵamyn turaqtandyrýǵa, valiýta usynysyn qamtamasyz etýge, negizsiz qubylmalylyqty boldyrmaýǵa baǵyttalǵan jáne irgeli úrdisti qalyptastyrýǵa kedergi keltirmeidi.
