foto: youngspace.ru
Qazaqstan musylmandary dini basqarmasynyń (QMDB) Ǵulamalar keńesi kvadrober sýbmádenietine qatysty shariǵi úkim shyǵardy, dep habarlaidy Ult.kz.
Keńestiń málimdeýinshe, adam balasynyń ózin janýarǵa eliktetip, sol deńgeige túsirýi adamǵa tán qadir-qasiettiń tómendeýi ári ózin qorlaý bolyp sanalady.
«Adamnyń janýarǵa elikteýine shariǵatta jol berilmeidi. Shariǵat tipti er adamnyń áielge, áieldiń er adamǵa elikteýin de qatań tyiym salady», – delingen habarlamada.
Ǵulamalar keńesiniń sheshimi boiynsha:
Kvadroberge shariǵatta qatań tyiym salynady.
Kvadrobika – janýarlardyń qimyl-qozǵalysyn qaitalaýdy maqsat etetin sýbmádeniet. Shariǵat turǵysynan mundai áreketter adamnyń abyroiyn tómendetedi jáne islamnyń adamǵa tán qadir-qasietti saqtaý ustanymyna qaishy keledi.
