Foto: Videodan skrinshot
Bishkek qalasy men Qazaqstan Respýblikasynyń aýmaǵynda vebkam-stýdiialar jelisin uiymdastyrǵan tulǵalar toby ustaldy, dep Ult.kz habarlaidy.Qyrǵyzstannyń Ulttyq qaýipsizdik qyzmeti videoda kórsetkendei quzyrly mekemeler internet jelisi arqyly jezókshelik pen jynystyq ádepsizdikti uiymdastyrý jáne qoldaý isine qatysty Qyrǵyzstan azamattaryn ustady.
«A.A.A.», «B.B.S.», «E.A.E.» jáne «O.E.K.» esimdi azamattar ustaldy. Atalǵan tulǵalar qylmystyq top retinde áreket etip, Bishkek qalasy men Qazaqstan Respýblikasynyń aýmaǵynda vebkam-stýdiialar jelisin uiymdastyryp, onyń jumysyn qamtamasyz etken», - delingen habarlamada.
Belgili bolǵandai, uiymdasqan top músheleri zańsyz áreketterin jasyrý maqsatynda Bishkek qalasynyń ártúrli aýdandarynda páterlerdi jalǵa alǵan. Ustalǵandardyń turatyn barlyq mekenjailar boiynsha shuǵyl tintý sharalary júrgizilip, onda vebkameralar, jaryq jabdyqtary, kompiýter tehnikasy jáne basqa da tehnikalyq quraldar, sondai-aq seksýaldy sipattaǵy ashyq onlain-transliatsiialar úshin arnalǵan erotikalyq kostiýmder men atribýttar tabylyp, alynǵan.
Atalǵan top músheleri negizinen «Chaturbate (CB)», «Stripchat (strip)» jáne «BongaCams» siiaqty vebkam qyzmetin usynatyn internet-platformalarda onlain-transliatsiialar júrgizgen, al qylmystyq kirister olardyń «Binance» kriptokoshelkterine aýdarylǵan.
Qazirgi ýaqytta bul qylmysqa qatysy bar barlyq tulǵalardy anyqtaý maqsatynda tiisti tergeý-operativtik is-sharalar júrgizilýde.
