قۇزىرلى ورگاندار ۆيدەونى جارييالادى: قازاقستان مەن قىرعىزستاندا ونلاين جەزٶكشەلٸككە قاتىسى بار توپ قولعا تٷستٸ

فوتو: ۆيدەودان سكرينشوت

قىرعىزستاننىڭ ۇلتتىق قاۋٸپسٸزدٸك قىزمەتٸ ۆيدەودا كٶرسەتكەندەي قۇزىرلى مەكەمەلەر ينتەرنەت جەلٸسٸ ارقىلى جەزٶكشەلٸك پەن جىنىستىق ەدەپسٸزدٸكتٸ ۇيىمداستىرۋ جەنە قولداۋ ٸسٸنە قاتىستى قىرعىزستان ازاماتتارىن ۇستادى.

«ا.ا.ا.», «ب.ب.س.», «ە.ا.ە.» جەنە «و.ە.ك.» ەسٸمدٸ  ازاماتتار ۇستالدى. اتالعان تۇلعالار قىلمىستىق توپ رەتٸندە ەرەكەت ەتٸپ, بيشكەك قالاسى مەن قازاقستان رەسپۋبليكاسىنىڭ اۋماعىندا ۆەبكام-ستۋدييالار جەلٸسٸن ۇيىمداستىرىپ, ونىڭ جۇمىسىن قامتاماسىز ەتكەن», - دەلٸنگەن حابارلامادا.

بەلگٸلٸ بولعانداي, ۇيىمداسقان توپ مٷشەلەرٸ زاڭسىز ەرەكەتتەرٸن جاسىرۋ ماقساتىندا بيشكەك قالاسىنىڭ ەرتٷرلٸ اۋداندارىندا پەتەرلەردٸ جالعا العان. ۇستالعانداردىڭ تۇراتىن بارلىق مەكەنجايلار بويىنشا شۇعىل تٸنتۋ شارالارى جٷرگٸزٸلٸپ, وندا ۆەبكامەرالار, جارىق جابدىقتارى, كومپيۋتەر تەحنيكاسى جەنە باسقا دا تەحنيكالىق قۇرالدار, سونداي-اق سەكسۋالدى سيپاتتاعى اشىق ونلاين-ترانسلياتسييالار ٷشٸن ارنالعان ەروتيكالىق كوستيۋمدەر مەن اتريبۋتتار تابىلىپ, الىنعان.

اتالعان توپ مٷشەلەرٸ نەگٸزٸنەن «Chaturbate (CB)», «Stripchat (strip)» جەنە «BongaCams» سيياقتى ۆەبكام قىزمەتٸن ۇسىناتىن ينتەرنەت-پلاتفورمالاردا ونلاين-ترانسلياتسييالار جٷرگٸزگەن, ال قىلمىستىق كٸرٸستەر ولاردىڭ «Binance» كريپتوكوشەلكتەرٸنە اۋدارىلعان.

قازٸرگٸ ۋاقىتتا بۇل قىلمىسقا قاتىسى بار بارلىق تۇلعالاردى انىقتاۋ ماقساتىندا تيٸستٸ تەرگەۋ-وپەراتيۆتٸك ٸس-شارالار جٷرگٸزٸلۋدە.