Qazaqstan aýmaǵynda qujatsyz nemese jaramsyz qujatpen turyp jatqandar azamattyǵyn anyqtaý úshin kimge júginý kerek? Bul suraqqa kóshi-qon qyzmeti komitetiniń bólim basshysy Ǵani Shymyrbaev IIM-niń onlain brifinginde jaýap berdi, dep habarlaidy QazAqparat.
«Búginge deiin qujatsyz turyp kelgen tulǵalar turǵylyqty jerdegi organdarǵa júginýi kerek. Qolynda jeke basyna qatysty qandai da bir qujat bolsa, azamattyq mártebesin anyqtaý ońaiyraq bolady. Týý týraly kýáligi, bilimi týraly attestat nemese anyqtama, áskeri bilet neme týý týraly tirkeý qujaty siiaqty kez kelgen qujaty paidaǵa jaraidy», - deid Kóshi-qon komitetiniń ókili.
Onyń aitýynsha atalǵan qujattar arqyly kóshi-qon qyzmetiniń qyzmetkerleri resmi suraý salyp, turǵynnyń qai eldi azamaty ekenin anyqtaidy.
«Eger basqa elde turǵan bolsa nemese basqa elde turyp, qujattaryn sol jaqta joǵaltqan bolsa, elshilikter arqyly aqparat alamyz. Qazir bul aktsiiany úkimettik emes uiymdarmen birlesip ótkizip jatyrmyz. Kezinde basqa elde turyp, eski úlgidegi tólqujat alǵan adamdardyń derekterin alý úshin konsýldyq alymdar tóleý qajet. Eger tulǵanyń eshbir eldiń azamaty emes ekeni dáleldense, azamattyǵy joq adamnyń kýáligi rásimdeledi. Ol qyzmet búginde shamamen 23 tyń teńge turady. Qujatsyz júrgenderdiń kóbinde osy aqshany tóleitin múmkindik bolmai jatady. Úkimettik emes uiymdar bizge osy turǵydan kóp kómektesip jatyr», - dedi Ǵani Shymyrbaev.
