قازاقستان اۋماعىندا قۇجاتسىز نەمەسە جارامسىز قۇجاتپەن تۇرىپ جاتقاندار ازاماتتىعىن انىقتاۋ ٷشٸن كٸمگە جٷگٸنۋ كەرەك? بۇل سۇراققا كٶشٸ-قون قىزمەتٸ كوميتەتٸنٸڭ بٶلٸم باسشىسى عاني شىمىرباەۆ ٸٸم-نٸڭ ونلاين بريفينگٸندە جاۋاپ بەردٸ, دەپ حابارلايدى قازاقپارات.
«بٷگٸنگە دەيٸن قۇجاتسىز تۇرىپ كەلگەن تۇلعالار تۇرعىلىقتى جەردەگٸ ورگاندارعا جٷگٸنۋٸ كەرەك. قولىندا جەكە باسىنا قاتىستى قانداي دا بٸر قۇجات بولسا, ازاماتتىق مەرتەبەسٸن انىقتاۋ وڭايىراق بولادى. تۋۋ تۋرالى كۋەلٸگٸ, بٸلٸمٸ تۋرالى اتتەستات نەمەسە انىقتاما, ەسكەري بيلەت نەمە تۋۋ تۋرالى تٸركەۋ قۇجاتى سيياقتى كەز كەلگەن قۇجاتى پايداعا جارايدى», - دەٸد كٶشٸ-قون كوميتەتٸنٸڭ ٶكٸلٸ.
ونىڭ ايتۋىنشا اتالعان قۇجاتتار ارقىلى كٶشٸ-قون قىزمەتٸنٸڭ قىزمەتكەرلەرٸ رەسمي سۇراۋ سالىپ, تۇرعىننىڭ قاي ەلدٸ ازاماتى ەكەنٸن انىقتايدى.
«ەگەر باسقا ەلدە تۇرعان بولسا نەمەسە باسقا ەلدە تۇرىپ, قۇجاتتارىن سول جاقتا جوعالتقان بولسا, ەلشٸلٸكتەر ارقىلى اقپارات الامىز. قازٸر بۇل اكتسييانى ٷكٸمەتتٸك ەمەس ۇيىمدارمەن بٸرلەسٸپ ٶتكٸزٸپ جاتىرمىز. كەزٸندە باسقا ەلدە تۇرىپ, ەسكٸ ٷلگٸدەگٸ تٶلقۇجات العان ادامداردىڭ دەرەكتەرٸن الۋ ٷشٸن كونسۋلدىق الىمدار تٶلەۋ قاجەت. ەگەر تۇلعانىڭ ەشبٸر ەلدٸڭ ازاماتى ەمەس ەكەنٸ دەلەلدەنسە, ازاماتتىعى جوق ادامنىڭ كۋەلٸگٸ رەسٸمدەلەدٸ. ول قىزمەت بٷگٸندە شامامەن 23 تىڭ تەڭگە تۇرادى. قۇجاتسىز جٷرگەندەردٸڭ كٶبٸندە وسى اقشانى تٶلەيتٸن مٷمكٸندٸك بولماي جاتادى. ٷكٸمەتتٸك ەمەس ۇيىمدار بٸزگە وسى تۇرعىدان كٶپ كٶمەكتەسٸپ جاتىر», - دەدٸ عاني شىمىرباەۆ.
