Budan bylai telefon nómiri mobildi azamattar bazasynda tirkelgen qazaqstandyqtarǵa jeke kýáliktiń, pasporttyń jáne júrgizýshi kýáliginiń merzimi aiaqtalǵany týraly SMS habarlama keledi, dep habarlaidy "Ult aqparat" «Ulttyq aqparattyq tehnologiialar» kompaniiasyna silteme jasap.
Qajetti qyzmetke siltemesi bar habarlama kýálik merzimniń aiaqtalýyna bir ai qalǵanda jiberiledi.
«Esińizge salamyz, jaqyn arada sizdiń jeke kýáligińizdiń (pasporttyń, júrgizýshi kýáliginiń) qoldanylý merzimi aiaqtalady. Jańa qujatty alý úshin Siz úiden shyqpai-aq eGov.kz arqyly ótinish bere alasyz», delingen eskertýde.
«SMS habarlama jiberý arqyly biz proaktivti formatta jaqyn arada qujattyń merzimi aiaqtalatyn qazaqstandyqtardy eskertýdi josparlap otyrmyz. Bul azamattarǵa Gov.kz portaly arqyly qujattaryn merzimi ótpei turyp tapsyrys berý múmkindik týady. Osylaisha biz qazaqstandyqtardy merzimi ótken qujat úshin salynatyn aiyppuldan qorǵaimyz», - dep túsindirdi «Ulttyq aqparattyq tehnologiialar» AQ Basqarma tóraǵasy Áset Turysov.
SMS habarlama alǵan azamattar Gov.kz portalynda óz qujattaryn uzarta alady. Jeke kýálik pen pasportty «Pasport, jeke kýálik alý» qyzmetin paidalaný arqyly uzartýǵa bolady. Alaida qoldanylý merzimi ótken jeke basty kýálandyratyn qujatty tek HQKO-da aýystyrý kerek.
Júrgizýshi kýáligin qujattyń qoldanylý merzimi ótken, tegi, aty jáne ákesiniń aty ózgergen, joǵalǵan nemese urlanǵan jaǵdaida eGov.kz portalynda onlain ótinim berý arqyly qaita shyǵarýǵa bolady. Ol úshin portalda «Júrgizýshi kýálikterin berý» qyzmetin tańdaý qajet.
Sondai-aq, mobildi azamattar bazasynda tirkelgen azamattarǵa týǵan kúnine orai 1414-ten quttyqtaýy bar habarlama joldanady.
