Foto: mugalzhar.kz
Kúz – altyn túske boialǵan tabiǵattyń tynysh ári shabyt syilaityn mezgili. Alaida kópshilik úshin bul kezeń – allergiianyń kúsheiý ýaqyty. Kúzgi allergiia – tozań men basqa da allergenderdiń áserinen týyndaityn maýsymdyq allergiialyq reaktsiia. Onyń negizgi belgileri: túshkirý, murynnyń bitelýi, kózdiń qyshýy men jas aǵýy. Biraq bul tek bastamasy ǵana... Mundai allergiia jalpy álsizdik, uiqysyzdyq, tez sharshaý men kóńil-kúidiń túsýi siiaqty qosymsha belgilermen de júrýi múmkin. Tipti keide adam ómir súrý sapasynyń tómendegenin sezip, ózin únemi sharshańqy, ashýshań kúide ustaidy. Ult.kz tilshisi kúzgi allergiiadan qalai saqtanýǵa bolatynyn jáne meditsina bul máselede qalai kómektese alatynyn zerttep kórdi.
Uzaq merzimdi terapiia
Osy oraida allergolog-dáriger Jansaia Sádýaqastyń aitýynsha, allergiia immýn júiesiniń shamadan tys reaktsiiasy.
«Allergiia – bul aǵzanyń ziiansyz zattarǵa shamadan tys áreket kórsetýi. Kúz mezgilinde bul reaktsiiany týdyratyn negizgi sebep – aýada kóbeietin tozań men zeń sporalary. Kópshilik olardy baiqamai, tumaý nemese sýyq tidi dep oilaidy. Alaida, eger belgiler birneshe aptadan artyq saqtalsa, bul – allergiianyń anyq belgisi», – deidi allergolog.
Mamannyń aitýynsha, qazirgi ýaqytta allergiiany emdeýde qoldanylatyn allergen-spetsifikalyq immýnoterapiia (ASIT) tásili jaqsy nátije kórsetip otyr. Bul ádis allergenge aǵzany birtindep úiretý arqyly reaktsiiany azaityp, kei jaǵdailarda múldem joiýǵa kómektesedi.
«ASIT – bul simptomdardy basatyn dári emes. Bul – aýrýdyń sebebine tikelei áser etetin uzaq merzimdi terapiia. Ol tek dárigerdiń baqylaýymen júrgizilýi tiis», – deidi Jansaia Sádýaqas.
Kúzde allergiiamen qalai kúresýge bolady?
Maman jaǵdaidyń aldyn alý úshin aldymen diagnozdy naqtylaý kerek. Iaǵni allergiiany durys emdeý úshin naqty nege reaktsiia bolyp jatqanyn anyqtaý mańyzdy. Ol úshin allergologiialyq test tapsyrý qajet.
Osy oraida maman birneshe qarapaiym keńes beredi:
Úi tazalyǵyna erekshe mán berý:
– Úidi kúndelikti ylǵaldy ádispen súrtý;
– Terezeni tozań kóp bolatyn ýaqyttarda (tańerteń, keshke) ashpaǵan jón;
– Shańsorǵyshty súzgisimen birge qoldanǵan abzal.
Immýnitetti kúsheitý:
– Durys tamaqtaný;
– Uiqy rejimi;
– Kúizeliske jol bermeý
Allergologtyń aitýynsha, keide adamdar allergiiany jeńil qabyldap, meditsinalyq kómekke júginbeidi. Biraq sozylmaly allergiia uiqy sapasyn buzady, eńbekke qabilettilikti tómendetedi, kóńil-kúidi túsiredi. Bul – jai ǵana túshkirý emes, ómir sapasyn tómendetetin jaǵdai. Simptomdardy elemei júre bermei, ýaqytyly diagnoz qoiyp, durys em qabyldaý – ómir sapasyn jaqsartýdyń basty kilti.
Aqbota Musabekqyzy
