Foto: Qostanai oblysy politsiia deparatmenti
Qostanaida «WhatsApp hattaryn ashyp beremin» degen jeleýmen jasalǵan alaiaqtyq isi tergelip jatyr, dep habarlaidy Ult.kz.
Qostanai qalasynyń turǵyny Instagram jelisinde jariialanǵan «Kúieýińniń WhatsApp-taǵy hattaryn oqýǵa kómektesemin» degen habarlandyrýǵa aldanyp, internet-alaiaqtyń qurbany boldy. Jarnamadaǵy siltemege ótken ol Telegram-daǵy «Polina» esimdi qoldanýshymen bailanysqa túsken.
«Polina» alǵashynda qyzmet kórsetý úshin 26 myń teńge aldyn ala tólem talap etken. Aqshany aýdarǵannan keiin jábirlenýshi eshqandai aqparat joq, bos silteme ǵana alǵan. Artynsha alaiaq «foto men videolar kóp bolǵandyqtan», taǵy da 20 myń teńgege jýyq aqsha suraǵan.
Ekinshi tólem jasalǵan soń, belgisiz áiel chattaǵy barlyq habarlamany óshirip, jábirlenýshimen bailanysyn tolyq úzgen.
Qazir «Alaiaqtyq» baby boiynsha qylmystyq is qozǵaldy. Politseiler qylmysqa qatysy bar tulǵany anyqtap jatyr.
Ishki ister organdary azamattarǵa kúmándi siltemelerge ótpeýdi jáne beitanys adamdarǵa aqsha jibermeýdi qatań eskertedi.
