فوتو: قوستاناي وبلىسى پوليتسييا دەپاراتمەنتٸ
قوستانايدا «WhatsApp حاتتارىن اشىپ بەرەمٸن» دەگەن جەلەۋمەن جاسالعان الاياقتىق ٸسٸ تەرگەلٸپ جاتىر, دەپ حابارلايدى Ult.kz.
قوستاناي قالاسىنىڭ تۇرعىنى Instagram جەلٸسٸندە جارييالانعان «كٷيەۋٸڭنٸڭ WhatsApp-تاعى حاتتارىن وقۋعا كٶمەكتەسەمٸن» دەگەن حابارلاندىرۋعا الدانىپ, ينتەرنەت-الاياقتىڭ قۇربانى بولدى. جارناماداعى سٸلتەمەگە ٶتكەن ول Telegram-داعى «پولينا» ەسٸمدٸ قولدانۋشىمەن بايلانىسقا تٷسكەن.
«پولينا» العاشىندا قىزمەت كٶرسەتۋ ٷشٸن 26 مىڭ تەڭگە الدىن الا تٶلەم تالاپ ەتكەن. اقشانى اۋدارعاننان كەيٸن جەبٸرلەنۋشٸ ەشقانداي اقپارات جوق, بوس سٸلتەمە عانا العان. ارتىنشا الاياق «فوتو مەن ۆيدەولار كٶپ بولعاندىقتان», تاعى دا 20 مىڭ تەڭگەگە جۋىق اقشا سۇراعان.
ەكٸنشٸ تٶلەم جاسالعان سوڭ, بەلگٸسٸز ەيەل چاتتاعى بارلىق حابارلامانى ٶشٸرٸپ, جەبٸرلەنۋشٸمەن بايلانىسىن تولىق ٷزگەن.
قازٸر «الاياقتىق» بابى بويىنشا قىلمىستىق ٸس قوزعالدى. پوليتسەيلەر قىلمىسقا قاتىسى بار تۇلعانى انىقتاپ جاتىر.
ٸشكٸ ٸستەر ورگاندارى ازاماتتارعا كٷمەندٸ سٸلتەمەلەرگە ٶتپەۋدٸ جەنە بەيتانىس ادامدارعا اقشا جٸبەرمەۋدٸ قاتاڭ ەسكەرتەدٸ.
