Kýveittiń «Jazeera Airways» áýe kompaniiasy 2020 jyldyń jaz ailarynan bastap Qazaqstanǵa turaqty reister ashady. Bul týraly Azamattyq aviatsiia komitetinen málim etti, dep habarlaidy "Ult aqparat".
Memleket basshysynyń tapsyrmasymen engizilgen «ashyq aspan» rejimi aiasynda Kýveit áýe kompaniialaryna Qazaqstannyń 11 áýejaiyna (Nur-Sultan, Almaty, Shymkent, Aqtaý, Qaraǵandy, Óskemen, Pavlodar, Kókshetaý, Taraz, Petropavl, Semei) 5-shi «áýe erkindigin» paidalaný múmkindigimen reister sanyna shekteýlerdi alyp tastaýdy kózdeitin turaqty ushýlardy oryndaýǵa jaǵdai jasaldy. Engizilgen «ashyq aspan» rejimi aiasynda eki eldiń taǵaiyndalǵan áýe kompaniialary aptasyna 14 turaqty jolaýshylar reisin jáne 5-shi «áýe erkindigi» bar shekteýsiz júk reisterin oryndaý quqyǵyna ie boldy», - dep atap ótedi komitetten.
Taraptar áýe qatynasy týraly úkimetaralyq kelisim jobasynyń mátinin aldyn ala maquldap, oǵan qol qoiý jónindegi jumysty jalǵastyrýǵa kelisken. Sondai-aq, eki eldiń taǵaiyndalǵan áýe kompaniialaryna ushýlardy oryndaý kezinde kodtardy birlesip paidalaný týraly kommertsiialyq kelisimder jasaýǵa múmkindik berilgen.
«Qol jetkizilgen ýaǵdalastyqtardyń nátijesinde Kýveittiń »Jazeera Airways« áýe kompaniiasy 2020 jyldyń jazǵy kezeńinen Qazaqstanǵa turaqty reisterdi bastaýdy josparlap otyr», - dedi vedomstvodan.
Buǵan deiin Túrkiia, Malaiziia, Avstriia aviakompaniialarymen áýe qatynasyn keńeitý boiynsha ýaǵdalastyqtarǵa qol jetkizilgenin habarlaǵan edik.
