كۋۆەيتتٸڭ «Jazeera Airways» ەۋە كومپانيياسى 2020 جىلدىڭ جاز ايلارىنان باستاپ قازاقستانعا تۇراقتى رەيستەر اشادى. بۇل تۋرالى ازاماتتىق اۆياتسييا كوميتەتٸنەن مەلٸم ەتتٸ, دەپ حابارلايدى "ۇلت اقپارات".
مەملەكەت باسشىسىنىڭ تاپسىرماسىمەن ەنگٸزٸلگەن «اشىق اسپان» رەجيمٸ اياسىندا كۋۆەيت ەۋە كومپانييالارىنا قازاقستاننىڭ 11 ەۋەجايىنا (نۇر-سۇلتان, الماتى, شىمكەنت, اقتاۋ, قاراعاندى, ٶسكەمەن, پاۆلودار, كٶكشەتاۋ, تاراز, پەتروپاۆل, سەمەي) 5-شٸ «ەۋە ەركٸندٸگٸن» پايدالانۋ مٷمكٸندٸگٸمەن رەيستەر سانىنا شەكتەۋلەردٸ الىپ تاستاۋدى كٶزدەيتٸن تۇراقتى ۇشۋلاردى ورىنداۋعا جاعداي جاسالدى. ەنگٸزٸلگەن «اشىق اسپان» رەجيمٸ اياسىندا ەكٸ ەلدٸڭ تاعايىندالعان ەۋە كومپانييالارى اپتاسىنا 14 تۇراقتى جولاۋشىلار رەيسٸن جەنە 5-شٸ «ەۋە ەركٸندٸگٸ» بار شەكتەۋسٸز جٷك رەيستەرٸن ورىنداۋ قۇقىعىنا يە بولدى», - دەپ اتاپ ٶتەدٸ كوميتەتتەن.
تاراپتار ەۋە قاتىناسى تۋرالى ٷكٸمەتارالىق كەلٸسٸم جوباسىنىڭ مەتٸنٸن الدىن الا ماقۇلداپ, وعان قول قويۋ جٶنٸندەگٸ جۇمىستى جالعاستىرۋعا كەلٸسكەن. سونداي-اق, ەكٸ ەلدٸڭ تاعايىندالعان ەۋە كومپانييالارىنا ۇشۋلاردى ورىنداۋ كەزٸندە كودتاردى بٸرلەسٸپ پايدالانۋ تۋرالى كوممەرتسييالىق كەلٸسٸمدەر جاساۋعا مٷمكٸندٸك بەرٸلگەن.
«قول جەتكٸزٸلگەن ۋاعدالاستىقتاردىڭ نەتيجەسٸندە كۋۆەيتتٸڭ »Jazeera Airways« ەۋە كومپانيياسى 2020 جىلدىڭ جازعى كەزەڭٸنەن قازاقستانعا تۇراقتى رەيستەردٸ باستاۋدى جوسپارلاپ وتىر», - دەدٸ ۆەدومستۆودان.
بۇعان دەيٸن تٷركييا, مالايزييا, اۆسترييا اۆياكومپانييالارىمەن ەۋە قاتىناسىن كەڭەيتۋ بويىنشا ۋاعدالاستىقتارعا قول جەتكٸزٸلگەنٸن حابارلاعان ەدٸك.
