Foto: ashyq derekkóz
Qazaqstanda sońǵy bes jylda ajyrasý kórsetkishi 16%-ǵa tómendedi, dep habarlaidy Ult.kz QR Mádeniet jáne aqparat ministrliginiń baspasóz qyzmeti.
Ulttyq statistika biýrosynyń málimetinshe, 2020 jyly 48,2 myń ajyrasý tirkelse, 2024 jyly bul kórsetkish 40,5 myńǵa deiin azaiǵan.
Mádeniet jáne aqparat ministrligi atap ótkendei, qoǵamda otbasy men moraldyq qundylyqtardy nyǵaitý — basty basymdyqtardyń biri.
Otbasyn qoldaý baǵytyndaǵy sharalar:
- - 2023 jyly qabyldanǵan Áleýmettik kodeks kópbalaly jáne tabysy tómen otbasylarǵa naqty qoldaý kórsetýdi kózdeidi;
- - Turmystyq zorlyq-zombylyq qylmystyq jaýapkershilikke jatqyzylyp, balalarǵa qatysty zorlyqtyń barlyq túrine qatań jaza engizildi;
- - Otbasyn qoldaý ortalyqtarynyń sany 33-ten 131-ge deiin artty, olardyń jumysy biryńǵai júiege biriktirildi;
- - Qazirgi ýaqytta áleýmettik qyzmetter avtomattandyrylyp, tsifrlandyrý jumystary júrgizilip jatyr;
- - 2024 jyly nekege turýǵa ótinish berýshilerge arnalǵan tegin keńes berý jáne oqytý jobasy iske qosyldy;
- - «Ata-analar akademiiasy» men «Ata-ana.kz» platformasy arqyly ata-analarǵa onlain kýrstar men túsindirý sabaqtary usynylady.
Ministrlik 2025–2027 jyldarǵa arnalǵan arnaiy is-sharalar josparyn bekitip, ajyrasýdyń aldyn alý men otbasy institýtyn nyǵaitýǵa baǵyttalǵan jańa jobalardy júzege asyrýda.
Budan bólek, elimizde jyl saiyn «Mereili otbasy» ulttyq baiqaýy ótkizilip keledi. Al 2023 jyldan bastap Analar kúni (mamyrdyń ekinshi jeksenbisi) jáne Ákeler kúni (maýsymnyń úshinshi jeksenbisi) resmi merekeler qataryna qosyldy.
