QR IIM TJK Respýblikalyq jedel qutqarý jasaǵynyń qutqarýshylary taýǵa shyǵatyn týristerdi, daiyndyqsyz joryqtar qaýip-qaterge toly ekenin eskertedi, dep habarlaidy "Ult aqparat".
Vedomstvonyń málimetinshe, sońǵy jyldary taýǵa saiahat jasaityn toptar áleýmettik jelide tanymal bola bastady. Bir-birin jaqsy tanymaityn adamdar taýǵa birge shyǵýdy ádetke ainaldyrǵan.
«RJQJ qutqarýshylary bul óte qaýipti ekenin eskertedi. Jaqsy tanys adamǵa ǵana sený kerek. Taýǵa jalǵyz barýdyń qajeti joq. Tótenshe jaǵdailar departamenti aýa raiynyń kúrt ózgerýi jáne qar kóshkini týraly eskertip, SMS habarlamalaryn únemi jiberip otyrady. Alaida, bul týristerdi toqtatpaidy, adamdar eskertýge qaramastan taýǵa shyǵyp ketedi. Onyń sońy qaiǵyly jaǵdaimen aiaqtalady», - dep habarlaidy RJQJ.
Sondai-aq, týrister tobyndaǵy ár adam RJQJ bazasynda tirkeýden ótýi kerek.
«Qutqarýshylar sizdiń marshrýtyńyzdy jazyp alady jáne qaitatyn baqylaý ýaqytyn anyqtaidy. Qiyndyq týyndaǵan jaǵdaida bul mamandarǵa baǵytty tezirek anyqtaýǵa kómektesedi», - dep tolyqtyrdy vedomstvo.
