Astana qalasynyń Almaty aýdandyq №2 sotynda mańǵystaýlyq Oil Construction Company (OSS) munai servistik kompaniiasynyń eńbek inspektory Nurbek Qushaqbaevtyń isine bailanysty sot protsesi áli de jalǵasýda. N. Qushaqbaevtyń soty boiynsha jańa aqparattar beligi boldy.
Nurbek Qushaqbaev 402-baptyń 2-bóligi boiynsha ("zańsyz ereýilge qatysýdy jalǵastyrýǵa arandatý") aiyptalyp otyr.
Aiyptalýshynyń advokattary - G.Jýasbaeva, T.Shaikov.
Byltyrǵy jyldyń sońynda Aqtaý qalasyndaǵy kásiporynnyń ofisinde jumysshylar ashtyq jariialaidy. Basty talap – sottyń kásipodaqqa qatysty shyǵarǵan sheshimin keri qaitarý. Alǵashqy narazylyq 15 jeltoqsanda bastalady. Narazylyq saldarynan tsehterdegi barlyq óndiris toqtap qalady. Osyna negizge ala otyryp, 26 jeltoqsan kúni tseh basshylary Qaraqiia men Jetibai aýdandyq sottaryna atalmysh ereýildiń zańsyz ekendigin eskertetin aryz túsiredi. Sot munaishylardyń ashtyq aktsiiasyn zańsyz dep tanidy. Biraq Qushaqbaevtyń sózine ergen jumysshylar, narazylyq aktsiiasyn sot sheshiminen keiin de tyimaidy.
Sot zalynda bul aqparat týraly, iaǵni ashtyq aktsiiasynyń zańsyz bolyp tanylǵandyǵy týraly eńbek inspektory bilmegen bolyp shyǵady. Onyń sózine sensek, munai servistik kompaniiasynyń eńbek inspektory «Tehnotreiding LTD» JShS-de bolǵan ereýil týraly jáne onyń zańsyz bolyp tanylǵandyǵy týraly sot sheshimi baryn estimegen. Tipti sol JShS-niń kásipodaq basqarmasynyń orynbasary K. Saparbaevpen hat alysqany da esinen shyǵyp ketipti.
Anyǵyn aitatyn bolsaq, 2016 jyly «Tehnotreiding LTD» JShS QR Táýelsiz kásipodaqtar konfederatsiiasy quramyna kirgen bolatyn. Sol kezde atalǵan kásiporyn men Oil Construction Company munai servistik kompaniiasynyń basshysy birine kómektesip turý týraly kelisimge kelgen. Osynyń nátijesinde «Tehnotreiding LTD» JShS-niń kásipodaq basqarmasynyń orynbasary K. Saparbaev N. Qushaqbaevtyń kabinetine zańgerlik keńes alý úshin birneshe márte barǵany belgili. Al sot zalynda bolsa, N. Qushaqbaev K. Saparbaevty tanymaityn, onymen múldem qarym-qatynas jasap kórmegen adamnyń keipine endi. Aiyptalýyshynyń bulai nelikten jasap otyrǵandyǵyn ańǵarý qiyn emes. Sebebi, ol K. Saparbaevty biletin bolsa, onda «Tehnotreiding LTD» JShS-de oryn alǵan ereýil týraly jáne onyń zańdy túrde toqtatylýyna sheshim shyqqany týraly da bilý kerek emes pe? Olai bolsa, K. Saparbaevqa bergen zańgerlik keńesi de osy turǵyda Qushaqbaevtyń ózine qarsy oq bolyp qadalmai ma?
Qushaqbaevtyń advokattary onyń kishkentai balasy baryn jáne ákesiniń múgedek, al anasynyń zeinetker ekendigin alǵa tarta otyryp, bas bostandyǵynan aiyrmaityn jaza kesýdi surady. Oǵan qosa, 3000 AEK kóleminde aiyp tóleýdi usyndy.
Aiyptaýshy jaq bolsa, tsehtegi jumystardyń toqtaýynan qara shyǵynǵa batqandyǵyn alǵa tartty. Sondyqtan ereýilge shyqqan jumysshylarǵa zań turǵysynan keńes etken eńbek inspektory N. Qushaqbaevtyń shyǵyn ornyn toltyrǵanyn talap etýde.
Eńbek inspektory bola tura, zańdy óreskil buzyp otyrǵandyǵyn bilmegen N. Qushaqbaev aqtala ma, álde sot zalyndaǵy protsess aiyptaýshy jaqtyń múddesine orai sheshile me - barlyǵy aldaǵy kúnderde belgili bolady.
