QR Aýyl sharýashylyǵy ministrligi veterinariialyq baqylaý jáne qadaǵalaý komiteti joǵarǵy patogendi qus tumaýynan ólgen qustar úshin ótemaqyny tolyq tóledi, dep habarlaidy "Ult aqparat".
Vedomstvonyń málimetine sensek, ótken jyldyń tamyz jáne qyrkúiek ailarynda elimizdiń veterinariialyq baqylaý jáne qadaǵalaý komiteti Reseidiń kei aimaqtarynan Qazaqstanǵa tiri qus pen qus sharýashylyǵy ónimderin alyp kelýge jáne olardyń tranzitine ýaqytsha shekteý engizgen.
Biraq AShM tarapynan jasalǵan jedel sharalarǵa qaramastan joǵarǵy patogendi qus tumaýy elimizdiń 8 oblysyna jabaiy qustar arqyly taraǵan bolatyn.
Epizootiiaǵa qarsy is-sharalardyń aiaqtalýyna jáne qustardyń ólim-jitiminiń jańa jaǵdailarynyń tirkelmeýine bailanysty qazirgi ýaqytta osy óńirlerde karantin alynyp tastaldy.
Aýrý oshaqtaryn oqshaýlaý jáne joiý barysynda 1,9 mln qus joiyldy, onyń 97% - 4 qus fabrikasyna tiesili.
2020 jyldyń jeltoqsanynda veterinariialyq baqylaý jáne qadaǵalaý komitetiniń «Respýblikalyq epizootiiaǵa qarsy otriad» RMM ortasha ailyq naryqtyq quny boiynsha indettiń kesirinen ólgen qus ielerine ótemaqy tóleý jumystaryn júrgizdi.
Veterinariialyq-sanitariialyq qaǵidalarǵa sáikes tárkilengen jáne joiylǵan qustardyń qunyn óteý «joǵarǵy patogendi qus tumaýy» indetinen ólgenin rastaityn qujattar negizinde atqaryldy. Olar bolmaǵan jaǵdaida tólem júrgizilmeidi.
Barlyq usynylǵan qujattar boiynsha tólem tolyq kólemde júrgizildi.
Atap aitqanda, jeke qosalqy sharýashylyqtaryna 94 470 bas úshin 295,3 mln. teńge tólendi. «Agrointerptitsa» JShS 433 066 qus úshin 445,9 mln teńge tólendi.
Búgingi tańda «Respýblikalyq epizootiiaǵa qarsy otriad» RMM-de tólenbegen qaryz joq.
