QR AShM Veterinarlyq baqylaý jáne qadaǵalaý komiteti tóraǵasynyń mindetin atqarýshy Tursyn Qabdoldanov qustardy vaktsinalaý tártibin túsindirdi, dep habarlaidy QazAqparat.
«Qustardy vaktsinatsiialaýǵa qatysty toqtalsaq, profilaktikalyq ekpe jasaý qus ósirýshiler odaǵy ókilderiniń qatysýymen qabyldanǵan strategiiaǵa sáikes júrgiziledi jáne QR Premer-Ministri orynbasarynyń hattamalyq sheshimimen rastalady. Qus sharýashylyqtarynda sýbektilerdiń biologiialyq qaýipsizdiginiń kúsheitilgen rejimin jáne «jabyq tipti» kútip-ustaýdy eskere otyryp, qustardy ár basyna vaktsinatsiialaý kózdelmeidi», - dedi Tursyn Qabdoldanov Ortalyq kommýnikatsiialar qyzmetinde.
Onyń sózine qaraǵanda, qoldanystaǵy veterinariialyq zańnamada kózdelgen mindettemelerine sáikes, qus fabrikalary ózderi de ekpe salady. Bul rette broiler qus fabrikalary broilerlerdiń qysqa ómir súrýine bailanysty olarǵa vaktsinalaý júrgizbeidi, óitkeni olar táýliktik balapandar men inkýbatsiialyq jumyrtqany qustar vaktsinalanatyn qus fabrikalarynan alady. Jumyrtqa baǵytyndaǵy kásiporyndar taýyqtardy vaktsinalaidy.
«2020 jylǵa bekitilgen josparǵa sáikes, biylǵy aqpan aiynda qus tumaýyna qarsy ekpe jasaýǵa 3 377 900 doza vaktsina bólindi. Oshaqtardy oqshaýlaý úshin qyrkúiek aiynda respýblikalyq rezervten 2,3 mln doza bólindi jáne qyrkúiekte qosymsha 697 755 doza vaktsina, qazan aiynda 1,3 mln doza satyp alyndy. Osylaisha, óńirlerge 7,7 mln doza vaktsina bólindi, brigadalar uiymdastyryldy, 1185-ten astam veterinariialyq mamandar tartyldy.
Vaktsinatsiia úshin otandyq ekpemen tegin qamtylady. Qazirgi kezde májbúrli vaktsinatsiia aiasynda 2,8 millionnan astam qus basy vaktsinatsiialandy. Aqmola, Shyǵys Qazaqstan, Qyzylorda oblystarynda jáne Nur-Sultan qalasynda vaktsinatsiia tolyǵymen aiaqtaldy», - dedi Tursyn Qabdoldanov.
