Soltústik Qazaqstan oblysynda jumyrtqa men qus etiniń jetkilikti qory bar. Iaǵni qus tumaýyna bailanysty ónimniń bul túrlerin qymbattatýǵa negiz joq, dep habarlaidy "Ult aqparat".
SQO ákimi Qumar Aqsaqalov áleýmettik jelidegi paraqshasynda óńirde qus tumaýyna bailanysty atqarylyp jatqan jumystar jaiynda jazdy. Óńir basshysynyń aitýynsha, qazir 7 aýdandaǵy 11 eldimeken karantinge jabylǵan. Bul tizimge taǵy 6 aýyl qosylady. Shuǵyl shtab jumys istep jatyr. Aýrý oshaqtary tabylǵan aýmaqtarda dezinfektsiia jasalýda. Respýblikalyq arnaiy jasaq ólgen qustardy joiýmen ainalysýda. Úi qustaryna ekpe egile bastady. Oblysqa 873 myń doza otandyq vaktsina bólindi.
«Qus tumaýynan ólgen úi qustarynyń ielerine aqshalai ótemaqy tólenedi. Bul jumyspen arnaiy qurylǵan komissiia ainalysýda. Sondai-aq, qus sharýashylyǵyndaǵy jumys oryndaryn saqtap qalyp, jumyrtqa men qus etiniń baǵasynyń ósýine jol bermeý qajet. Qus fabrikalarynda jumyrtqanyń qajetti qory bar», - dep jazdy óńir basshysy Qumar Aqsaqalov.
Sondai-aq oblys ákimi qus ósirýshilerge qulaqqaǵys jasap, úi qustaryn ózen-kólderge shyǵarmaýǵa, qaz-úirekterdi jabyq jerde ustaýǵa keńes berdi.
