Búgin Úkimette QR Premer-Ministri Álihan Smaiylovtyń tóraǵalyǵymen Daǵdarysqa qarsy sharalar jónindegi jedel shtabtyń kezekti otyrysy ótti. Otyrysta qurylys salasyn damytý máseleleri qaraldy, dep habarlaidy "Ult aqparat" primeminister.kz-ke silteme jasap.
Indýstriia jáne infraqurylymdyq damý ministri Q. Óskenbaev biyl Qazaqstanda 15,1 mln sharshy metr turǵyn úidiń salynýy kútilip otyrǵanyn aitty. Turǵyn úi jobalaryn jáne jeńildetilgen nesie berýdi iske asyrýǵa 492 mlrd teńge, injenerlik jáne kólik infraqurylymyn damytýǵa 1,4 trln teńge baǵyttalady.
Sondai-aq, qurylys materialdary baǵasynyń turaqtanýy baiqalady, ásirese, armatýranyń baǵasy 3%-ǵa, gaz blogynyń baǵasy 3%-ǵa, shynynyń baǵasy 17,6%-ǵa tómendedi.
Biznes qoǵamdastyqpen birlesip memlekettik satyp alý jáne kommertsiialyq turǵyn úidi damytý boiynsha jedel jáne júieli sharalar pysyqtalýda.
Negizinen qurylys protsesterin ákimshilendirý tetigin qaraýǵa (qurylysqa ruqsat berý, sáýlet-josparlaý tapsyrmasyn berý jáne eskizdik jobany kelisý) jáne basqa da ózekti máselelerge nazar aýdaryldy.
Jedel shtabtyń kelesi otyrysy 21 naýryzda ótedi.
