بٷگٸن ٷكٸمەتتە قر پرەمەر-مينيسترٸ ەليحان سمايىلوۆتىڭ تٶراعالىعىمەن داعدارىسقا قارسى شارالار جٶنٸندەگٸ جەدەل شتابتىڭ كەزەكتٸ وتىرىسى ٶتتٸ. وتىرىستا قۇرىلىس سالاسىن دامىتۋ مەسەلەلەرٸ قارالدى, دەپ حابارلايدى "ۇلت اقپارات" primeminister.kz-كە سٸلتەمە جاساپ.
يندۋسترييا جەنە ينفراقۇرىلىمدىق دامۋ مينيسترٸ ق. ٶسكەنباەۆ بيىل قازاقستاندا 15,1 ملن شارشى مەتر تۇرعىن ٷيدٸڭ سالىنۋى كٷتٸلٸپ وتىرعانىن ايتتى. تۇرعىن ٷي جوبالارىن جەنە جەڭٸلدەتٸلگەن نەسيە بەرۋدٸ ٸسكە اسىرۋعا 492 ملرد تەڭگە, ينجەنەرلٸك جەنە كٶلٸك ينفراقۇرىلىمىن دامىتۋعا 1,4 ترلن تەڭگە باعىتتالادى.
سونداي-اق, قۇرىلىس ماتەريالدارى باعاسىنىڭ تۇراقتانۋى بايقالادى, ەسٸرەسە, ارماتۋرانىڭ باعاسى 3%-عا, گاز بلوگىنىڭ باعاسى 3%-عا, شىنىنىڭ باعاسى 17,6%-عا تٶمەندەدٸ.
بيزنەس قوعامداستىقپەن بٸرلەسٸپ مەملەكەتتٸك ساتىپ الۋ جەنە كوممەرتسييالىق تۇرعىن ٷيدٸ دامىتۋ بويىنشا جەدەل جەنە جٷيەلٸ شارالار پىسىقتالۋدا.
نەگٸزٸنەن قۇرىلىس پروتسەستەرٸن ەكٸمشٸلەندٸرۋ تەتٸگٸن قاراۋعا (قۇرىلىسقا رۇقسات بەرۋ, سەۋلەت-جوسپارلاۋ تاپسىرماسىن بەرۋ جەنە ەسكيزدٸك جوبانى كەلٸسۋ) جەنە باسقا دا ٶزەكتٸ مەسەلەلەرگە نازار اۋدارىلدى.
جەدەل شتابتىڭ كەلەسٸ وتىرىسى 21 ناۋرىزدا ٶتەدٸ.
