Jambyl oblysynda «EýroHim» kompaniiasynyń himiialyq kesheniniń qurylysy qarqyn aldy.
Jaqynda Jańatasqa 37 aýyr júk traly 900 tonnadan astam bolat plastinalar men metall konstrýktsiialar ákeldi. Olardan kúkirt qyshqylyn saqtaýǵa arnalǵan rezervýarlar jasalady.
Kúkirt qyshqylyn óndirý – álemdik mineraldy tyńaitqyshtar naryǵy kóshbasshylarynyń biri «EýroHim» kompaniiasynyń úsh kezeńnen turatyn aýqymdy jobasynyń ekinshisi. Birinshi kezeń aiasynda investor jylyna 740 myń tonna fosforit unyn óndiretin taý-ken keshenin salyp, paidalanýǵa berdi.
Qazir kompaniia jyldam qarqynmen jańa óndiristiń nóldik tsikliniń jabdyqtaryn turǵyzyp, ornatyp jatyr. Qurylysshylar men injenerler kún sýyqta aimaqta jii daýyl bolatynyn eskerip, jaz mezgilin tiimdi paidalanýǵa tyrysyp jatyr.
«Kúkirt qyshqyly zaýytynyń ónimderi «EýroHim» qajettiligine ǵana arnalmaǵan. 2023 jyly «Qazatomónerkásip» ýran baǵasynyń ósýine qaramastan, ýran óndirisin qysqartýǵa májbúr boldy. Buǵan kúkirt qyshqylynyń jetispeýshiligi sebep – shikizat óndirýde ulttyq kompaniia qoldanatyn negizgi reagent tapshy», – deidi saiasattanýshy jáne «Kemer Arna» QQ direktory Zamir Qarajanov.
Kúzde alańda kúkirt qyshqylyn saqtaýǵa arnalǵan tórt rezervýar ornatylady. Ony «EýroHim» qos bailanys jáne qos sińirý ádisimen jergilikti qazaqstandyq kúkirtten jasaýdy josparlap otyr. Bul álemniń túrli ónerkásiptik alańynda ondaǵan jyl boiy synalǵan dástúrli tehnologiia.
Bul rette, kompaniia óndiristi barynsha tsifrlandyrýdy josparlap otyr. Qazirdiń ózinde «EýroHim» óziniń barlyq jobasynda ozyq tehnologiialardy engizip jatyr. Jańatastaǵy himiialyq keshendi jasandy intellekt negizinde basqarý júiesimen jabdyqtaý josparlanǵan. Osylaisha, bolashaq zaýyttyń qyzmetkerleri kúndelikti óndiristik operatsiialardy mashinaǵa aýystyra alady, bul ómirge qaýip tóndiretin aýmaqtarda eńbek qaýipsizdigin edáýir arttyrady.
Kompaniia tabiǵat qorǵaý salasyna da erekshe nazar aýdarylatynyn atady. Munda qoldanylatyn kúkirt qyshqylyn óndirý jáne gazdy kádege jaratý tehnologiiasy adamǵa jáne qorshaǵan ortaǵa ziian tigizbeidi.
Strategiialyq shikizat bolyp tabylatyn kúkirt qyshqylymen qatar, «EýroHim» jobanyń úshinshi kezeńi – mineraldy tyńaitqyshtar óndirisi boiynsha himiialyq keshen salýdy júzege asyrady. Bul ýchaskede jumys belsendi júrgizilýde. Esterińizge sala keteiik, mamyr aiynda «EýroHim» CNCEC jetekshi injiniringtik kompaniiasymen himiialyq keshen salýǵa, jobalaýǵa jáne paidalanýǵa berýge kelisimshartqa qol qoidy. Jyl saiyn jańa kásiporyn million tonnadan astam mineraldy tyńaitqysh pen ilespe ónerkásiptik ónim óndiredi.
«Elimizde himiia salasy nashar damyǵan. Bizde mineraldy tyńaitqyshtardyń eki iri óndirisi ǵana jumys isteidi. Sonymen qatar, naryqta jergilikti ónimniń tapshylyǵy seziledi. Bizdiń fermerler tutynatyn tyńaitqyshtardyń deni Resei men Ózbekstannan ákelinedi. Bul úrdis jergilikti tyńaitqyshtar qunynyń 60% memleket sýbsidiialasa da jalǵasyp keledi. Sondyqtan meniń oiymsha, «EýroHimniń» jańa zaýyty Qazaqstannyń himiia indýstriiasyna da, agroónerkásip keshenine de paidasyn tigizedi», – deidi «Agromart» mineraldy tyńaitqyshtardy satatyn qazaqstandyq iri kompaniialardyń biriniń jetekshisi Arman Baibekov.
Sarapshylardyń paiymdaýynsha, «EýroHim» kásiporny el ekonomikasyna da septigin tigizedi.
«Biz úshin «EýroHim», eń áýeli Qazaqstandy indýstriialandyrýdyń biryńǵai kartasy aiasynda kúkirt qyshqyly, mineraldy tyńaitqyshtar jáne basqa da ónimder óndiretin kásiporyn salatyn iri investor retinde qyzyqty. Kompaniia jobaǵa bir milliard dollardan astam qarajat jumsaidy. Bul kóp pe, álde az ba? Salystyrý úshin 2023 jyly Qazaqstan shamamen 27 milliard dollar sheteldik investitsiia tartty. Kórip otyrǵanymyzdai, «EýroHimniń» úlesi jalpy qorda aitarlyqtai mólsherde», – deidi Qarajanov.
Aldyn ala baǵalaý boiynsha, investor kásiporny jyl saiyn eldiń JIÓ-nen keminde eki milliard dollar tabys taba alady. Bul rette, Jambyl oblysy kásiporynnan jylyna 30 mlrd teńge salyq túsedi.
