Foto: Videodan skrinshot
Petropavldaǵy mektep ashanalary jappai tekserilip jatyr. Ata-analar, qoǵam belsendileri, meditsina qyzmetkerleri men bilim berý bóliminiń mamandarynan quralǵan komissiia óz jumysyn bastady. Bul týraly Ult.kz tidshisi KTK aranasyna silteme jasap habarlaidy.
Keshendi tekseriske mektep ashanasyndaǵy tazalyq joqtyǵy túrtki bolǵan. Máselen, ótken aptada qaladaǵy Abai atyndaǵy qazaq mektep-gimnaziiasynyń ashanasyna qatysty shý shyqty. Munda oqýshylarǵa berilgen taǵamnan qurt-qumyrsqa shyqqan. Osydan keiin ata-analar aryz jazyp, aalmysh másele oblys basshysynyń qulaǵyna jetipti.
Tipti oqýshylarǵa dám-tatyǵy joq as-aýqat beretin mektep direktory qyzmetinen bosatyldy. Al qurt-qumyrsqa qosylǵan taǵam usynǵan kásipkermen kelisimshart buzylady. Ainagúl Suraǵanova, SQO bilim berý basqarmasynyń basshysy:
— Tamaqtandyrýmen ainalysatyn kásipkermen kelisimshartty buzý bastalyp ketti. Bir-eki kúnde osy másele sheshiledi. Basqa kásipkerler shaqyrylyp, konkýrs bolǵansha tamaqtaný júiesin jalǵastyrady. Bilim basqarmasyna ata-analardan birneshe shaǵym tústi. Osyǵan bailanysty SES departamentine arnaiy aryz jasalyp, baqylaýǵa alyndy.
