فوتو: ۆيدەودان سكرينشوت
پەتروپاۆلداعى مەكتەپ اسحانالارى جاپپاي تەكسەرٸلٸپ جاتىر. اتا-انالار, قوعام بەلسەندٸلەرٸ, مەديتسينا قىزمەتكەرلەرٸ مەن بٸلٸم بەرۋ بٶلٸمٸنٸڭ ماماندارىنان قۇرالعان كوميسسييا ٶز جۇمىسىن باستادى. بۇل تۋرالى Ult.kz تٸدشٸسٸ كتك اراناسىنا سٸلتەمە جاساپ حابارلايدى.
كەشەندٸ تەكسەرٸسكە مەكتەپ اسحاناسىنداعى تازالىق جوقتىعى تٷرتكٸ بولعان. مەسەلەن, ٶتكەن اپتادا قالاداعى اباي اتىنداعى قازاق مەكتەپ-گيمنازيياسىنىڭ اسحاناسىنا قاتىستى شۋ شىقتى. مۇندا وقۋشىلارعا بەرٸلگەن تاعامنان قۇرت-قۇمىرسقا شىققان. وسىدان كەيٸن اتا-انالار ارىز جازىپ, االمىش مەسەلە وبلىس باسشىسىنىڭ قۇلاعىنا جەتٸپتٸ.
تٸپتٸ وقۋشىلارعا دەم-تاتىعى جوق اس-اۋقات بەرەتٸن مەكتەپ ديرەكتورى قىزمەتٸنەن بوساتىلدى. ال قۇرت-قۇمىرسقا قوسىلعان تاعام ۇسىنعان كەسٸپكەرمەن كەلٸسٸمشارت بۇزىلادى. ايناگٷل سۇراعانوۆا, سقو بٸلٸم بەرۋ باسقارماسىنىڭ باسشىسى:
— تاماقتاندىرۋمەن اينالىساتىن كەسٸپكەرمەن كەلٸسٸمشارتتى بۇزۋ باستالىپ كەتتٸ. بٸر-ەكٸ كٷندە وسى مەسەلە شەشٸلەدٸ. باسقا كەسٸپكەرلەر شاقىرىلىپ, كونكۋرس بولعانشا تاماقتانۋ جٷيەسٸن جالعاستىرادى. بٸلٸم باسقارماسىنا اتا-انالاردان بٸرنەشە شاعىم تٷستٸ. وسىعان بايلانىستى سەس دەپارتامەنتٸنە ارنايى ارىز جاسالىپ, باقىلاۋعا الىندى.
