2017 jyldyń 13 tamyzy kúni Astana Balet teatrynda EHRO 2017 Halyqaralyq mamandandyrylǵan kórmesi aiasynda Qurmanǵazy atyndaǵy Qazaq memlekettik akademiialyq halyq aspaptar orkestriniń «Uly dala áýenderi» atty kontserti ótedi.
Ulttyq ónerdi ulyqtaǵan ujymnyń bul EKSPO kórmesine arnaǵan 13 kontserti. Osyǵan deiin «Qazaq kúiinen álemdik klassikaǵa deiin», «Álem halyqtarynyń mýzykasy» atty iri jobalardy Astana jurtshylyǵyna usynǵan óner ujymynyń kezekti kontserti tikelei Mádeniet jáne sport ministrliginiń qoldaýmen júzege asyp otyr.
Kontserttiń baǵdarlamasy qazaq halqynyń kúileri men ánderinen quralady.
Is-sharanyń basty maqsaty – qazaq halqynyń mádenietin álemge keńinen tanystyrý.
Atalǵan kontsert 14-15 tamyz kúnderi Etno-aýyl ulttyq mádeni kesheninde án-kúi keshimen jalǵasyn tabady.
Kontsertke: Qazaqstannyń eńbek sińirgen artisi, Memlekettik syilyqtyń laýreaty – Shahimardan Ábilev, Qazaqstannyń eńbek sińirgen qairatkerleri –Jubanysh Jeksenuly, Saiat Medeýov, Memlekettik «Daryn» jastar syilyǵynyń laýreaty – Batyrjan Myqtybaev, Halyqaralyq jáne Respýblikalyq konkýrstardyń laýreattary - Ásel Raqymjan, Jalǵas Sultanov, Ainýr Abildaevalar qatysady.
Orkestrdiń bas dirijery, «Daryn» Memlekettik Jastar syilyǵynyń laýreaty – Arman Júdebaev, dirijer, Qazaqstannyń eńbek sińirgen qairatkeri – Janas Bekenturov.
