Norvegiianyń Oslo qalasynda ótip jatqan álem chempionatynda áielder kúresinen 72 keli salmaq dárejesindegi finaldyq kezeń aiaqtaldy, dep habarlaidy Olympic.kz.
Atalǵan salmaq boiynsha finalda beldesken qazaqstandyq Jámila Baqbergenova japondyq Masako Fýrýitiden jeńilis tapty. Qorytyndy esep - 0:3.
Bul - Jámilanyń eresekter arasyndaǵy álem chempionatynda enshilegen alǵashqy medali. Buǵan deiin ol 2019 jyly Nur-Sultanda ótken álem chempionatynyń qola júldesi úshin kúresip, tap osy Masakodan 0:2 esebimen utylǵan bolatyn.
Oslodaǵy álem chempionatyn Qazaqstan áielder komandasy jalǵyz medalmen aiaqtady. Al erkin kúres sheberleriniń enshisinde birde-bir medal joq.
