Shyǵys Qazaqstan oblysynda atys qarýymen asa aýyr qylmys jasalǵan, dep habarlaidy "Ult aqparat" ShQO politsiia departamentiniń baspasóz qyzmetine silteme jasap.
Vedomstvo Kýrchatovta kópqabatty úidegi páterlerdiń birinen úsh er adamnyń máiiti tabylǵanyn málimdedi.
«Aldyn ala málimetter boiynsha kináli tulǵa (marqumdardyń biri) qylmys jasaǵannan keiin ózine-ózi qol jumsaǵan. Qaitys bolǵan er adamdardyń jeke basy anyqtaldy. Olardyń barlyǵy – Kýrchatov qalasynyń turǵyndary», - dedi ShQO PD basshysy Saǵat Madiev.
QR QK 99-baptyń 2-tarmaǵy boiynsha («Adam óltirý») sotqa deiingi tergeý bastaldy.
Ózge aqparat tergeý múddesine sáikes jariialanbaidy.
Sonymen qatar, politsiia áleýmettik jelilerde jariialanǵan qala kóshelerinde bolǵan oqiǵa týraly aqparat shyndyqqa janaspaitynyn habarlady.
