Shyǵys Qazaqstan oblysyndaǵy Kýrchatov qalasynyń jańa ákimi bolyp Oleg Chýgýnkov taǵaiyndaldy, dep habarlaidy QazAqparat.
Búgin jergilikti máslihat sessiiasynda jańa ákimdi oblys ákiminiń birinshi orynbasary Almashan Smatlaev tanystyrdy.
Oleg Vasilevich 1977 jyly týǵan. Semei pedagogikalyq jáne Semei gýmanitarlyq institýttaryn támámdaǵan.
Ár jyldary Óskemen qalasy ákiminiń baspasóz hatshysy, bilim bóliminiń basshysy bolyp qyzmet etti. ShQO Taldaý jáne boljaý institýtynyń bólim meńgerýshisi bolyp eńbek etken.
2019 jyldan bastap osy ýaqytqa deiin «Nur Otan» partiiasy Shyǵys Qazaqstan oblystyq filialy tóraǵasynyń birinshi orynbasary qyzmetin atqardy.
Almashan Smatlaev óz sózinde Oleg Chýgýnkovtyń osyndai jaýapty qyzmetke tájiribesi jetkilikti ekenin atap ótip, Kýrchatov qalasyndaǵy depýtattar men qoǵam belsendilerin halyqpen tyǵyz bailanysta jumys isteýge shaqyrdy.
