Qurbandyqqa shalynǵan qoi bastary da turǵyndarǵa taratylýda. Bul týraly "ULt aqparat" muslim.kz saityna silteme jasap habarlaidy.
Qasietti Qurban ait merekesine orai QMDB tarapynan uiymdastyrylǵan Qurban shalý rásimi búgin de qyzý jalǵasý ústinde. Qurban maldaryn soiyp, muqtaj otbasylarǵa taratý jumystaryn aittyń alǵashqy kúni-aq belsene bastap ketken QMDB Nur-Sultan ókildiginiń qyzmetkerleri búgin de igilikti sharanyń kórigin qyzdyra tústi.
Aita keteiik, QMDB uiymdastyrǵan qashyqtyqtan ýákildik berý arqyly qurban shalý aktsiiasy aiasynda keshegi kúngi deiin Elorda ókildigi boiynsha 32 iri qara jáne 600 qoi túligi jinalǵan bolatyn. Osy oraida, qurban etin alýǵa onlain ótinish bildirgen turǵyndarǵa qurbandyq etterine qosa, úiitilgen qoi bastary da qosa taratylýda. Sondai-aq, qurbandyq maldarynyń ishek-qaryndaryn qaraýsyz qaldyrmai, birden tazalanyp muqtaj jandarǵa berilý ústinde.
