قۇرباندىققا شالىنعان قوي باستارى دا تۇرعىندارعا تاراتىلۋدا. بۇل تۋرالى "ۇلت اقپارات" muslim.kz سايتىنا سٸلتەمە جاساپ حابارلايدى.
قاسيەتتٸ قۇربان ايت مەرەكەسٸنە وراي قمدب تاراپىنان ۇيىمداستىرىلعان قۇربان شالۋ رەسٸمٸ بٷگٸن دە قىزۋ جالعاسۋ ٷستٸندە. قۇربان مالدارىن سويىپ, مۇقتاج وتباسىلارعا تاراتۋ جۇمىستارىن ايتتىڭ العاشقى كٷنٸ-اق بەلسەنە باستاپ كەتكەن قمدب نۇر-سۇلتان ٶكٸلدٸگٸنٸڭ قىزمەتكەرلەرٸ بٷگٸن دە يگٸلٸكتٸ شارانىڭ كٶرٸگٸن قىزدىرا تٷستٸ.
ايتا كەتەيٸك, قمدب ۇيىمداستىرعان قاشىقتىقتان ۋەكٸلدٸك بەرۋ ارقىلى قۇربان شالۋ اكتسيياسى اياسىندا كەشەگٸ كٷنگٸ دەيٸن ەلوردا ٶكٸلدٸگٸ بويىنشا 32 ٸرٸ قارا جەنە 600 قوي تٷلٸگٸ جينالعان بولاتىن. وسى ورايدا, قۇربان ەتٸن الۋعا ونلاين ٶتٸنٸش بٸلدٸرگەن تۇرعىندارعا قۇرباندىق ەتتەرٸنە قوسا, ٷيٸتٸلگەن قوي باستارى دا قوسا تاراتىلۋدا. سونداي-اق, قۇرباندىق مالدارىنىڭ ٸشەك-قارىندارىن قاراۋسىز قالدىرماي, بٸردەن تازالانىپ مۇقتاج جاندارعا بەرٸلۋ ٷستٸندە.
