Nazarbaev: Qurban ait ártúrli etnostar arasynda birlikti saqtaýǵa yqpal etedi

Nursultan Nazarbaev qazaqstandyqtardy qasietti Qurban ait merekesimen quttyqtady, - dep habarlaidy "Ult aqparat" Aqordaǵa silteme jasap.

"Barshańyzdy álemdegi kúlli musylmandar úshin qasietti Qurban ait merekesimen shyn júrekten quttyqtaimyn! Qurban ait - izgilik pen meiirbandyqtyń, jaqsylyq pen qaiyrymdylyqtyń meiramy. Osynaý aitýly kúnderde júregine iman uialaǵan árbir adam jaqsy ister jasaýǵa, kómekke muqtaj jandarǵa qol ushyn sozyp, ainalasyna qýanysh syilaýǵa tyrysady", - delingen Prezidenttiń quttyqtaýynda.

"Bizdiń elimizde Qurban ait ártúrli etnostar men din ókilderi arasynda ózara syilastyqtyń, dostyq pen birliktiń biregei dástúrlerin saqtaýǵa jáne ony nyǵaita túsýge yqpal etedi. Qazaqstan halqynyń ulttyq biregeiligin, igi qundylyqtaryn, san ǵasyrlyq mádeni jáne tarihi muralaryn saqtap, odan ári damyta túsýge septigin tigizedi.

Sondai-aq, Nazarbaev bizdiń elimizde osynaý jarqyn meiramnyń alǵashqy kúni arnaiy demalys kúni retinde jariialanyp, adamdardyń qurban shalýyna, allaǵa jalbarynyp, izgi tilekter tileýine barlyq jaǵdaidyń jasalǵanyn aityp ótti.

"Barshańyzdy búgingi qasietti meirammen quttyqtai otyryp, zor densaýlyq, baqyt, tynyshtyq, amandyq pen ósip-órkendeý tileimin! Ait qabyl bolsyn!", - dedi Memleket basshysy.