Atalǵan bulaq "Jylaǵan ata" dep atalady. Ol jaily halyq aýzynda júrgen ańyzdar da barshylyq. Jaǵrafiialyq turǵydan Kelinshektaýdan ári assań Jylaǵan atanyń shatqalyna jetip barýǵa jaqyn bolady. Alaida Qarataýdyń teriskeii tym qaterli ári qaýipti.
Úńgir syldyrma tastyń ústimen, bir aiaq jolmen júrip ótetin taýdyń biik betkeiinde ornalasqan. Ol jerden tómen qarasań jer quddy teńizdei tereń bolyp kórinedi. Úńgirdiń bergi jaǵy jeńil kólik ótetindei keń bolsa, arǵy beti kishkentai búldirshin ǵana siiatyndai kólemde. Saǵat saiyn úńgirden aq kóbiktei móldir sý atqylap turady. Biraq sarqyramadan únemi sý aǵyp turatyn bolsa, «Jylaǵan atadan» sý únemi aqpaidy. Basyna baryp Quran oqyǵan adamǵa aǵady. Onda da kei adamǵa aqqanymen, kei adamǵa aqpaidy.
Bir qyzyǵy, jergilikti turǵyndar nieti qisyq, taza emes adam jaqyndasa sý toqtap qalady desedi. Sýdyń dámin bir tatyp kórgen adam qaita-qaita ishkisi kelip turady eken. Biraq, sýdy ydysqa quiyp qainatyp ishýge bolmaidy. Ondai kezde sý birden kózden ǵaiyp bolady. Kezinde geolgtar uzynqulaqtan osy úńgirdiń qudireti týraly estip, «jái ǵana teńizdiń tolqyny bolsa kerek» dep Jylaǵan atanyń basyna kelip, zertteý jumystaryn júrgizedi. Úńgirden atqylaǵan sýdyń qaidan paida bolǵanyn anyqtaý úshin eki ai ýaqyt júredi. Biraq, osy aralyqta birde-bir ret úńgirden sý shyqpaidy. Sonda basyn shaiqap tańqalǵan zertteýshiler «Bul shynynda da Qudirettiń kúshi!» degen eken.
