اتالعان بۇلاق "جىلاعان اتا" دەپ اتالادى. ول جايلى حالىق اۋزىندا جٷرگەن اڭىزدار دا بارشىلىق. جاعرافييالىق تۇرعىدان كەلٸنشەكتاۋدان ەرٸ اسساڭ جىلاعان اتانىڭ شاتقالىنا جەتٸپ بارۋعا جاقىن بولادى. الايدا قاراتاۋدىڭ تەرٸسكەيٸ تىم قاتەرلٸ ەرٸ قاۋٸپتٸ.
ٷڭگٸر سىلدىرما تاستىڭ ٷستٸمەن, بٸر اياق جولمەن جٷرٸپ ٶتەتٸن تاۋدىڭ بيٸك بەتكەيٸندە ورنالاسقان. ول جەردەن تٶمەن قاراساڭ جەر قۇددى تەڭٸزدەي تەرەڭ بولىپ كٶرٸنەدٸ. ٷڭگٸردٸڭ بەرگٸ جاعى جەڭٸل كٶلٸك ٶتەتٸندەي كەڭ بولسا, ارعى بەتٸ كٸشكەنتاي بٷلدٸرشٸن عانا سيياتىنداي كٶلەمدە. ساعات سايىن ٷڭگٸردەن اق كٶبٸكتەي مٶلدٸر سۋ اتقىلاپ تۇرادى. بٸراق سارقىرامادان ٷنەمٸ سۋ اعىپ تۇراتىن بولسا, «جىلاعان اتادان» سۋ ٷنەمٸ اقپايدى. باسىنا بارىپ قۇران وقىعان ادامعا اعادى. وندا دا كەي ادامعا اققانىمەن, كەي ادامعا اقپايدى.
بٸر قىزىعى, جەرگٸلٸكتٸ تۇرعىندار نيەتٸ قيسىق, تازا ەمەس ادام جاقىنداسا سۋ توقتاپ قالادى دەسەدٸ. سۋدىڭ دەمٸن بٸر تاتىپ كٶرگەن ادام قايتا-قايتا ٸشكٸسٸ كەلٸپ تۇرادى ەكەن. بٸراق, سۋدى ىدىسقا قۇيىپ قايناتىپ ٸشۋگە بولمايدى. ونداي كەزدە سۋ بٸردەن كٶزدەن عايىپ بولادى. كەزٸندە گەولگتار ۇزىنقۇلاقتان وسى ٷڭگٸردٸڭ قۇدٸرەتٸ تۋرالى ەستٸپ, «جەي عانا تەڭٸزدٸڭ تولقىنى بولسا كەرەك» دەپ جىلاعان اتانىڭ باسىنا كەلٸپ, زەرتتەۋ جۇمىستارىن جٷرگٸزەدٸ. ٷڭگٸردەن اتقىلاعان سۋدىڭ قايدان پايدا بولعانىن انىقتاۋ ٷشٸن ەكٸ اي ۋاقىت جٷرەدٸ. بٸراق, وسى ارالىقتا بٸردە-بٸر رەت ٷڭگٸردەن سۋ شىقپايدى. سوندا باسىن شايقاپ تاڭقالعان زەرتتەۋشٸلەر «بۇل شىنىندا دا قۇدٸرەتتٸڭ كٷشٸ!» دەگەن ەكەن.
