Foto: Akorda.kz
Memleket basshysy Sybailas jemqorlyqqa qarsy is-qimyl agenttiginiń tóraǵasy Oljas Bektenovti qabyldady, dep habarlaidy Aqordanyń baspasóz qyzmeti.
Prezidentke eldegi sybailas jemqorlyqqa qarsy qabyldanyp jatqan sharalar jóninde esep berildi. Oljas Bektenovtiń aitýynsha, biyl 11 aida memleketke quny 600 mlrd teńgeden astam zańsyz ielengen múlik aktivteri men qarajat qaitaryldy.
Budan bólek, elimizde jáne shetelde jalpy somasy 360 mlrd teńgeden asatyn jyljymaityn múlik, avtomobilder men qarajat anyqtaldy jáne olar jaqyn arada memleketke qaitarylady.
Memleket basshysynyń tapsyrmasymen Sybailas jemqorlyqqa qarsy is-qimyl agenttigi tergep-teksergen qylmystyq isterden tárkilengen qarjy qazirdiń ózinde mektep qurylysyna jumsalyp jatyr. «Aqtóbe» ÁKK-ge qatysty qylmystyq is aiasynda kináli tulǵalar 197 mln teńge shyǵyndy ótedi. Qarajattyń negizgi bóligi aýyl mektebiniń qurylysyn aiaqtaýǵa jumsaldy.
Prezidentke sondai-aq sybailas jemqorlyqqa qatysty qylmystardy boldyrmaýǵa baǵyttalǵan aldyn alý sharalary týraly aqparat berildi.
Oljas Bektenov kóliktik baqylaý, jer qoinaýyn paidalaný, memlekettik qorǵanys tapsyrysy salalaryna, kóshi-qon qyzmetiniń, áleýmettik-kásipkerlik korporatsiialardyń jáne «Qazaqstan temir joly» AQ jumysyna syrtqy taldaý aiaqtalǵanyn jetkizdi. Onyń qorytyndysy boiynsha sybailas jemqorlyq táýekelderin joiýǵa baǵyttalǵan 2 myńnan astam usynys ázirlendi.
Memleket basshysy elimizde sybailas jemqorlyq deńgeiin tómendetý jónindegi jumystardy jalǵastyrýdy tapsyrdy.
