- Elordada ótip jatqan siriialyq retteý jónindegi halyqaralyq kezdesýdiń (Astana protsesi) ekinshi kúngi kezdesýin túski 14.00-de aiaqtaý josparlanǵan, dep habarlaidy QazAqparat.
Taraptar saǵat 14.00-de Astana protsesiniń nátijelerin jariia etý úshin qorytyndy baspasóz máslihatyna shyǵady dep kútilýde. Qabyldaýshy tarap kelissózderge qatysýshy barlyq delegatsiia ókilderine baspasóz máslihaty ótkiziletin arnaiy zal daiyndap qoiǵan. QR Syrtqy ister ministrliginiń ókili BAQ aldyna kimniń shyǵatyndyǵyn dóp basyp aita alar emes. Degenmen, jýrnalisterge arnalǵan brifingti BUU Bas hatshysynyń Siriia jónindegi arnaýly elshisi Staffan de Mistýra ótkizýi múmkin.
Aita keteiik, elordadaǵy «Riksos» qonaq úiinde ótken Siriia janjalyn retteý jónindegi halyqaralyq kezdesýdiń alǵashqy kúngi otyrysyna Siriianyń úkimettik delegatsiiasynan BUU janyndaǵy osy eldiń turaqty ókili Basar al-Djafari, shamamen 15 oppozitsiialyq toptyń ókili, RF Prezidentiniń siriialyq retteý máseleleri jónindegi arnaýly ókili Aleksandr Lavrentev, Túrkiia Syrtqy ister ministrniń orynbasary Sedat Onal Iran Islam Respýblikasy Syrtqy ister ministriniń orynbasary Sadek Hýsein Djaberi Ansari, BUU bas hatshysynyń Siriia jónindegi arnaýly ókili Staffan de Mistýra men Qazaqstandaǵy AQSh Elshisi Djord Krol qatysqan bolatyn.
